काठमाडौँ / एनएमबि बैंकले २० लाख कित्ता ऋणपत्र जारी गर्न अनुमति माग्दै नेपाल धितोपत्र बोर्डमा निवेदन दिएको छ ।
कम्पनीले २ अर्ब रुपैयाँ बराबरको २० लाख कित्ता ऋणपत्र विक्री गर्ने प्रक्रिया अगाडि बढाएको हो ।
बैंकले मंगलवार सात वर्षे अवधिको एनएमबि ऋणपत्र २०८४/८५ निष्कासन गर्ने तयारी गरेको छ भने लगानीकर्ताले वार्षिक ८ प्रतिशत ब्याजदर रहने जनाएको छ । कम्पनीले ऋणपत्र बिक्री प्रबन्धकमा सिद्धार्थ क्यापिटल नियुक्त गरेको छ ।
कुल २० लाख कित्तामध्ये ८ लाख कित्ता सार्वजनिक निष्कासन मार्फत सर्वसाधारणमा विक्री गर्ने र बाँकी १२ लाख कित्ता व्यक्तिगत तवरबाट विभिन्न बैंक तथा वित्तीय संस्थालाई विक्री गर्ने तयारी बैंकको छ ।