काठमाडौँ / बिहीबार स्थानीय बजारमा सुनको भाउ स्थिर रहेको छ भने चाँदीको मूल्यमा गिरावट आएको छ ।
नेपाल सुनचाँदी व्यवसायी महासंघका अनुसार आज बिहीबार छापावाल सुन प्रतितोला ९२ हजार रुपैयाँमा कारोबार हुनेछ भने तेजावी सुन ९१ हजार ५०० रुपैयाँमा कारोबार हुनेछ । हिजो बुधबार पनि सुनको भाउ सोही मूल्यमा कारोबार भएको थियो ।
यता, चाँदीको भाउ भने प्रतितोला १० रुपैयाँले घटेको छ । यसअघि १ हजार २८५ रुपैयाँमा कारोबार भएको चाँदी आज १ हजार २७५ रुपैयाँमा कारोबार हुने महासंघले जनाएको छ ।