काठमाडौँ / सोमबार स्थानीय बजारमा सुनचाँदीको मूल्य बृद्धि भएको छ । आइतबार घटेर कारोबार भएको सुनको भाउ सोमबार भने बढेको नेपाल सुनचाँदी व्यवसायी महासंघले जनाएको छ ।
महासंघका अनुसार आज सोमबार छापावाल सुन प्रतितोला ९० हजार ६०० रुपैयाँमा कारोबार हुने भएको छ । आइतबार ९० हजार ३०० रुपैयाँमा कारोबार भएको सुनको भाउ आज प्रतितोला ३०० रुपैयाँले बढेको हो । सोही परिमाणको तेजावी सुन आज प्रतितोला ९० हजार १०० रुपैयाँमा कारोबार हुनेछ ।
यता, चाँदीको भाउ पनि प्रतितोला पाँच रुपैयाँले बढेको छ । आइतबार एक हजार १९५ रुपैयाँमा कारोबार भएको चाँदी आज सोमबार एक हजार २०० रुपैयाँमा कारोबार हुने महासंघले जनाएको छ ।
