काठमाडौँ / कमेडी च्याम्पियन सिजन–२ को शनिबार राति सम्पन्न ग्राण्ड फिनालेमा ताप्लेजुङका भरतमणि पौडेल बिजेता बनेका छन् । सबैभन्दा बढी भोट पाएको आधारमा पौडेल विजेता घोषित भएका हुन् । जितेसँगै उनले डाट्सनको कार र नगद २५ लाख रुपैयाँ प्राप्त गरेका छन् ।
यसअघि भरतमणिले पूर्व युवराज पारस शाहको गेटअपमा दिएको प्रस्तुतिले वाहवाही बटुलेका थिए भने सोहीकारण उनले ‘पफर्मर अफ द राउण्ड’ घोषित भएर सिधैँ फाइनलमा पुगेका थिए । उनीसँगै फाइनमा गोर्खाका सन्तोष थापा र सिक्किमका विक्की अग्रवालले प्रतिस्पर्धा गरेका थिए ।
जसमध्ये फस्ट रनरअप बिक्की भएका छन् भने सन्तोष सेकेन्ड रनरअप भए । जितसँगै विक्कीले टीभीएस अपाचेको मोटरसाइकल जितेका छन् भने सन्तोषले स्कुटर जितेका छन् ।
ग्राण्ड फिनालेमा वरिष्ठ हाँस्यकलाकार मदनकृष्ण श्रेष्ठ र हरिवंश आचार्यको सहभागिता रहेको थियो भने हरिवंशले विजेताको घोषणा गरे भने सेकेण्ड रनरअपको घोषणा मदनकृष्णले गरेका थिए ।
कार्यक्रममा बोल्दै कलाकार आचार्यले कमेडी च्याम्पियन हास्यब्यङ्ग्यको क्षेत्रका लागि राम्रो प्लेटफर्म भएको भन्दै
कार्यक्रमले देशलाई संसारसँग जोडेको पनि उनले धारणा राखे ।
