काठमाडौँ / स्वाभिमान लघुवित्तले ३४ प्रतिशत लाभांश दिने भएको छ । संस्थाको असोज १७ गते आइतबार बसेको सञ्चालक समितिको ५९ औँ बैठकले लाभांश प्रस्ताव गरेको हो ।
संस्थाले आर्थिक बर्ष २०७७/०७८ सम्मको मुनाफाबाट असार मसान्तसम्म कायम चुक्ता पुँजी ९ करोड २० लाख ५० हजार रुपैयाँको कुल ३४ प्रतिशत लाभांश दिने भएको हो ।
संस्थाले जारी गरेको सूचनाअनुसार बोनश शेयर ३२.३० प्रतिशतले हुन आउने २ करोड ९७ लाख ३२ हजार १५० रपैयाँ र कर प्रयोजनार्थ १.७० प्रतिशतले हुन आउने १५ लाख ६४ हजार ८५० रुपैयाँ नगद लाभांश दिने प्रस्ताव गरेको हो । उक्त लाभांश नेपाल राष्ट्र बैंक र बार्षिक साधारणसभाबाट पारित भएपश्चात लागू हुनेछ ।