काठमाडौँ / सांग्रिला डेभलमेन्ट बैंक लिमिटेडले बोनस शेयर तथा नगद लाभांश घोषणा गरेको छ ।
बैंकको असोज १९ गते बसेको सञ्चालक समितिको २७७ औं बैठकले बैंकका शेयरधनीहरूलाई आ.व. ०७७/०७८ को सञ्चित मुनाफाबाट चुक्ता पुँजी २ अर्ब ७३ करोड ६९ लाख ७२ हजार ४२० रुपैयाँबाट लाभांश वितरण गर्ने घोषणा गरेको हो ।
बैंकले चुक्ता पुँजीको १० प्रतिशत बोनस शेयर र उक्त बोनस शेयरमा लाग्ने कर प्रयोजनका लागि चुक्ता पुँजीको ०.५२६३ प्रतिशत नगद लाभांश वितरणका लागि प्रस्ताव गरेको हो ।
उक्त प्रस्ताव नेपाल राष्ट्र बैंकबाट स्वीकृत प्राप्त भए पश्चात बैंकको १७ औँ साधारण सभाबाट पारित भएपछि मात्र शेयरधनीहरूलाई वितरण गरिने बैंकले जनाएको छ ।
