काठमाडौँ / शिवम् सिमेन्ट्स लिमिटेडले गत आर्थिक बर्ष २०७७/०७८ को नगद लाभांश प्रस्ताव गरेको छ । कम्पनीले अघिल्लो आर्थिक बर्ष २०७६/०७७ को तुलनामा गत आ.वमा ४.७९ प्रतिशतबढी लाभांश रकम दिने भएको हो ।
कम्पनीको सञ्चालक समितिको यही असोज २२ गते शुक्रबार बसेको ९२ औंँ बैठकले चुक्ता पूँजीको २९ प्रतिशतका दरले एक खर्ब २७ करोड ६० लाख रुपैयाँ नगद लाभांश दिने प्रस्ताव गरेको छ ।
कम्पनीले आर्थिक बर्ष ०७६/०७७ मा २४.२१ प्रतिशत नगद लाभांश वितरण गरेकोमा गत आर्थिक बर्षमा भने लाभांश रकममा बृद्धि गरेको हो ।
लाभांशमा लाग्ने कर प्रस्तावित लाभांशबाटै काटिने पनि कम्पनीले जनाएको छ । प्रस्तावित लाभांश कम्पनीको आगामी साधारणसभाबाट पारित भएपछि लगानीकर्तामा वितरण हुन कम्पनीले जनाएको छ ।