काठमाडौँ / कुमारी बैंक लिमिटेडले कार्तिक १६ गते मंगलबार बिहान ११ः३० बजे केन्द्रिय कार्यालय नक्सालमा साधारण सभाको आयोजना गर्ने भएको छ ।
कोभिड–१९ महामारीको जोखिमका कारण साधारण सभामा अनलाइन (जुम)मार्फत सहभागी हुन सकिने भएको छ ।
बैंकको २१ औँ साधारण सभाले सञ्चालक समितिको बार्षिक प्रतिवेदनमाथि छलफल गरी पारित गर्नेछ । त्यस्तै, लेखापरीक्षकको प्रतिवेदन सहितको आ.व. २०७७/०७८ को वार्षिक आर्थिक विवरण पारित गर्नेछ ।
बैंकको सहायक कम्पनी कुमारी क्यापिटल लिमिटेडको आ.व. २०७७/०७८ को वित्तीय विवरणसहितको एकिकृत वित्तीय विवरण पारित गर्नेछ भने बाह्य लेखापरीक्षक नियुक्त गर्ने र निजको पारिश्रमिक समेत तोक्ने प्रस्ताव रहेको बताइएको छ ।
त्यस्तै, सभाले सञ्चालक समितिले प्रस्ताव गरे बमोजिम कर प्रयोजनसहित चुक्ता पूँजीको २.६७ प्रतिशत नगद लाभांश र ६ प्रतिशत बोनश शेयर वितरण गर्न स्वीकृति प्रदान गर्नेछ ।
