Logo
बुधवार, मंसिर २२ गते २०७८
images
मंसिर २२ गते २०७८
images

एमसीसीले देशको विकासमा भाइटल रोल खेल्न सक्छ : निजी क्षेत्र


२०७८ मंसिर, ९ बिहिवार
  • 129
    SHARES

  • images
    एमसीसीले देशको विकासमा भाइटल रोल खेल्न सक्छ : निजी क्षेत्र

    काठमाडौँ / नेपाल उद्योग वाणिज्य महासंघका अध्यक्ष शेखर गोल्छाले एमसीसी देशको लागि आवश्यक रहेको बताएका छन् ।

    बुधबार नेपाल आर्थिक पत्रकार संघ (नाफिज)ले राजधानीमा आयोजना गरेको पत्रकार केशव गौतमलाई आर्थिक पत्रकार सम्मान तथा आर्थिक जर्नल ‘अर्थचित्र’ विमोचन कार्यक्रममा उनले यस्तो बताएका हुन् । 

    एमसीसीले मुलुकको विकासमा भाइटल रोल खेल्न सक्ने भन्दै उनले यसलाई रोक्न नहुने बताएका छन् ।
    उनले भने “जब ब्याजदर ४–५ प्रतिशत माथि पुग्छ तब बैंकहरुमा पैसा सुक्छ । तरलता समस्याको कुरा गर्नुपर्दा विदेशी लगानीलाई ल्याउन सकिएको छैन । नीतिगत समस्याका कारण रोकिएको अवस्था छ ।”

    यसैगरी नेपाल चेम्बर अफ कमर्सका अध्यक्ष राजेन्द्र मल्लले बजारमा देखिएको तरलता अभावको समस्या राष्ट्र बैंकले सम्बोधन गर्नुपर्ने बताएका छन् । 

    कोभिड १९ को प्रभावले मुलुकको अर्थतन्त्रमा समस्या पारेको बताउँदै उनले यसका लागि नेपाल राष्ट्र बैंकले मौद्रिक नीति मार्फत सम्बोधन गरेको बताए ।

    उनले भने “सीडी रेसियोलाई छिटो भन्दा छिटो सम्बोधन गर्नुपर्ने देखिन्छ । अधिकांश बैंकहरुको सीडी रेसियो ९० प्रतिशत भन्दा माथि गरिसकेकाले थप लगानी गर्न नसक्ने अवस्थामा पुगिसकेका छन् ।

    यसले निजी क्षेत्र प्रभावित हुन पुगेको छ । व्यवसाय गर्नका लागि लगानीको अभाव हुन थालेको छ । यस तर्फ राष्ट्र बैंकको ध्यान जान जरुरी छ ।”

    सरकार र निजी क्षेत्र एकै रथको दुई पाङ्ग्रा भएर अघि बढ्न तयार रहेको उनको भनाई छ । मुलुकको आर्थिक विकासका लागि सरकारसँग हातेमालो गर्न निजी क्षेत्र सधै तयार रहेको उनले बताए । 

    त्यस्तै, नेपाल उद्योग परिसंघका कार्यवाहक अध्यक्ष कृष्णप्रसाद अधिकारीले निजी क्षेत्रले मात्र होइन पछिल्लो समय सरकारले समेत आर्थिक पुनरुत्थानमा सक्रिय हुन नसकेको बताएका छन् । उनले भने “जति गर्नुपर्ने थियो त्यति गर्न सकिएन । तर, मुलुकको आर्थिक पुनरुत्थानका लागि सार्वजनिक निजी साझेदारी अपरिहार्य छ ।”

    कोभिड १९ प्रभाव नेपालमा मात्र होइन सबै जसो मुलुकहरुमा परेको र अधिकांश मुलुकहरु विस्तारै उत्थानको चरणमा रहेको भन्दै उनले यसलाई नेपालले पनि चुनौतीको रूपमा नभई अवसरको रूपमा लिनुपर्ने बताए । सार्वजनिक निजी साझेदारीको रूपमा आर्थिक विकास तथा पुनरुत्थानमा लानुपर्ने उनको भनाई छ । 

    उनी भन्छन् “सरकारले निजी क्षेत्रलाई सहजीकरण गरिदियो भने, नीतिगत व्यवस्था गरिदियो भने, लगानीको वातावरण मिलाइदियो भने अर्थतन्त्र उत्थानमा समस्या हुँदैन, छिटै आर्थिक पुनरुत्थानमा जान सकिन्छ ।”

    यो पनि पढ्नुहोस

    images
    images
    images
    images
    images

    सम्बन्धित समाचार

    images
    images
    images
    images

    ताजा अपडेट

    images
    images
    images
    images
    images
    images

    धेरै पढिएको

    images
    images