काठमाडौँ / नेपालका लागि फोर्स मोटर्सको आधिकारिक आयातकर्ता आयाम इन्टरकन्टिनेटल प्रा.लिले ग्राहकवर्गको सुविधालाई ध्यानमा राखि रिलायन्स फाइनान्स लिमिटेडसँग फोर्स ब्राण्डका सवारीसाधनलाई सहज कर्जा उपलब्ध गराउन वित्तिय सम्झौता गरेको छ । आयाम इन्टरकन्टिनेटलका  तर्फबाट कम्पनीका अध्यक्ष डा. ध्रुव थापा र रिलायन्स फाइनान्स लिमिटेडका तर्फबाट सीईओ समज प्रकाश श्रेष्ठ  र डीसीईओ रामहरी आचार्यले सम्झौतापत्रमा हस्ताक्षर गरेका छन् ।  

सो सम्झौता अन्तर्गत आयाम इन्टरकन्टिनेटलको सिफारिस प्राप्त ग्राहकहरूले फोर्स ब्राण्डका सवारी साधन खरिदका लागि रिलायन्स फाइनान्सबाट अधिकतम् ७० प्रतिशत सहजपूर्ण कर्जा प्राप्त गर्न सक्नेछन् । 

सरल र सहज कर्जा उपलब्ध गराउने उद्देश्यका साथ यो सुविधा आयाम इन्टरकन्टिनेटलका देशभरि रहेका सम्पूर्ण डिलरहरू र रिलायन्स फाइनान्सका विभिन्न शाखाबाट कर्जा सुविधा उपलब्ध हुने जनाइएको छ । फोर्स मोटर्सको नेपालका २२ वटा प्रमूख स्थानहरूमा डिलर तथा सर्भिस सेन्टरहरू रहेका छन ।

साथै फोर्स मोटर्सका गाडीहरू खरिद गर्न चाहाने ग्राहकहरूलाई दशैँ र तिहारको अवसरमा कम्पनीले आकर्षक योजनाहरू सार्वजनिक गरेकोे छ । यस कम्पनीको अनुसार बैङ्कमा ग्राहकले तिर्नुपर्ने ब्याजमा ५० प्रतिशत क्यास ब्याक, एक्सचेन्जमा कम्तिमा ४ लाखको मूल्याङ्कन, १ वर्षको मर्मतसम्हार खर्च र बिमा  फ्री लगायतका आपÞmरहरू सार्वजनिक गरेकोे छ ।