काठमाडौँ / महिन्द्रा एण्ड महिन्द्रा (लास्ट माइल मोबिलिटी)का आधिकारिक विक्रेता अग्नि ग्रुपले बजारमा ल्याएको इलेक्ट्रिक थ्री–ह्विलर अटो ‘ट्रियो’को लोकप्रियता बढ्दो छ । 

देशको विभिन्न ठाउँमा सार्वजनिक गरे लगतै छोटो समयमा नै इलेक्ट्रिक अटोलाई नेपाली बजारमा सफलता पूर्वक बिक्री गर्दै आइरहेको छ। सिन्धुलीका स्थानीयले पनि ट्रेओलाई धेरै रुचाएको कम्पनीले जनाएको छ । 

हालै मात्र कम्पनीले सिन्धुलीका स्थानीय ३ जना महिला र १३ जना पुरुषहरूलाई एकै पटक १६ इलेक्ट्रिक अटो हस्तान्तरण गरेको छ। 

अग्नि हायर पर्चेज र राष्ट्रिय बाणिज्य बैङ्कको आर्थिक सहयोगमा स्थानिय बासिन्दालाई इलेक्ट्रिक अटो “ट्रियो” खरिद गर्न सहज र झन्झटमुक्त बनाइएको छ। साथै सवारी साधन बिमा गर्नलाइ भने प्रभु इन्स्योरेन्सले सहयोग गरेको छ ।

संस्थाहरूको यस प्रकारको वित्तिय सहयोग र स्वदेशमा विद्युतीय सार्वजनिक अटोको उपलब्धताले स्थानीय जनतालाई रोजगारीको अवसर र आम्दानीको स्रोत सिर्जना गरेको कम्पनीले जनाएको छ। 

आर्थिकभार कम पर्ने र पेट्रोल मुक्त सार्वजनिक यातायात आएसँगै स्थानीयहरू पनि खुशी भएको र अहिले सिन्धुलीको सडकमा ट्रेओको संख्या उल्लेखिय मात्रामा बढेको समे कम्पनीले बताएको छ ।

सिन्धुलीमा ग्राहक एवं सर्वसाधरणको मन जित्न सफल ट्रियो– इलेक्ट्रिक अटो मंसिर ७, बिहिबार नयाँ तथा पुराना “ट्रियो” ग्राहकसँगै सिन्धुलीको सडकमा “ट्रियो”को लस्करका साथ बजार परिक्रमा गरिएको थियो ।

कार्यक्रममा अग्नि ग्रुपका प्रदेश प्रमुख रोशन श्रेष्ठ, इलेक्ट्रिक डिभिजन सेल्स हेड प्रमोद भण्डारी, सेल्स प्रतिनिधि नरेन्द्र खड्गी, सिन्धुलीका लागि ट्रियो इलेक्ट्रिक अटोको आधिकारीक विक्रेता खड्ग श्रेष्ठ र टिका श्रेष्ठसहित सिन्धुली शाखाका प्रतिनिधिहरुको उपस्थिती थियो ।

महिन्द्रा ट्रियो १० हजार सवारी साधनको बिक्री भएको भारतको सबैभन्दा ठूलो लिथियम आयोन इलेक्ट्रिक अटो प्लेटफर्म हो र सन् २०१८ मा यसको सार्वजनिक भएदेखि यसले ६ करोड ३० किलोमिटर भन्दा बढी दूरी तय गरिसकेकोे छ ।

“नेपाल द्रुत गतिमा विकास भइरहेको अर्थतन्त्र हो, जसले वातावरणमैत्री साथसाथै दीर्घकालीन दिगोपनको एजेन्डा अपनाएको छ । महिन्द्रा ट्रियो किन्ने ग्राहकहरूले उत्कृष्ट इन्जिनियरिङ र विश्वसनीयताबाट लाभ उठाउन सक्छन् । उल्लेखनीय विशेषताको आकर्षक सेट, शून्य प्रदूषण र इच्छाइएका गुणहरूका साथ, ट्रियोले नेपालमा कार्यक्षमताका साथै किफायतका लागि नयाँ मानक निर्धारण गर्नेछ ,” कम्पनीले बतायो ।

ट्रियो विद्युतीय सवारी साधन सबैभन्दा राम्रो (बेस्ट इन इन्ड्रस्ट्री) २,०७३ मिलिमिटर व्हीलबेसका साथ, जस्तोसुकै कच्ची सडकमा पनि आरामदायी सवारीका लागि अगाडि हाइड्रोलिक सक एब्जर्भर र पछाडि लिफ स्प्रिङको प्रयोग गरिएको छ । 

यस सवारी साधनमा राम्रो रोक्ने शक्ति भएको हाइड्रोलिक ब्रेक पनि उपलब्ध गराइएको छ । पूर्ण रूपमा डिजिटल यान्त्रिक कन्सोलले चार्जको अवस्था (स्टेट अफ चार्ज–एओसी), गाडी चलाउने दायरा, गति, ड्राइभ मोड संलग्नता र अन्य विभिन्न सूचनाहरूको विस्तृत जानकारी प्रदर्शन गर्दछ ।

महिन्द्रा ग्रुपले विश्वव्यापी रूपमा ईएसजीको नेतृत्व गर्ने, ग्रामीण समृद्धिलाई सक्षम बनाउने र शहरी जीवनलाई उकास्ने, समुदाय र सरोकारवालाहरुको जीवनमा सकारात्मक परिवर्तन ल्याउने र उनीहरूको उदयका लागि सक्षम तुल्याउने लक्ष्यमा स्पष्ट ध्यान दिएको छ ।