काठमाडौँ / आर्क्स ग्रुप प्रालिले भेन्चर ट्राभल्स प्रालिलाई हाइगर बसको नयाँ मोडल KLQ6812KR हस्तान्तरण गरेको छ। मङ्गलबार र्याडिसन होटल लाजिम्पाटमा एक कार्यक्रमको आयोजना गरी चाबी हस्तान्तरण गरिएको हो ।
समारोहमा विभिन्न ट्राभल कम्पनी, व्यापारिक क्षेत्र र बैंकिङ उद्योगका प्रतिष्ठित अतिथिहरूले सहभागिता जनाएका थिए । चीनको प्रसिद्ध बस निर्माता हाइगर बस कम्पनी लिमिटेडले विश्वका २०० भन्दा बढी देशहरूमा आफ्नो बसहरू निर्यात गर्दै आएको छ ।
गत १६ वर्षदेखि नेपाली बजारको पर्यटकीय क्षेत्रमा एक प्रमुख ब्रान्डको रूपमा स्थापित भएको छ।
नेपालको लागि हाइगर बसको आधिकारिक वितरक आर्क्स ग्रुपले नेपाली बजारमा १०० भन्दा बढी बसहरूको सफल बिक्री गरिसकेको छ, जुन विशेष गरी पर्यटन र यातायात क्षेत्रमा आरामदायी, र विश्वसनीयताको लागि प्रसिद्ध छन्।
समारोहमा, नेपाली बजारको आवश्यकतालाई पूरा गर्ने उच्च(गुणस्तरको, आरामदायी बसहरू उपलब्ध गराउन हामी प्रतिवद्ध रहेको आर्क्स ग्रुपले जनाएको छ।
