गगन चुम्बन ‘गगनाँसु’ गजल सङ्ग्रह लोकार्पण

गगन चुम्बन ‘गगनाँसु’ गजल सङ्ग्रह लोकार्पण

images
आइतवार, माघ २१ २०८०
आइतवार, माघ २१ २०८०
  • गगन चुम्बन ‘गगनाँसु’ गजल सङ्ग्रह लोकार्पण

    काठमाडौँ / हातेमालो साहित्य सङ्गमको आयोजनामा गगन चुम्बनको गगनाँसु कृति लोकार्पण गरिएको छ । शनिबार नेपाल प्रज्ञा प्रतिष्ठान कमलादीमा आयोजित एक समारोहका बीच सिद्ध नारायण आचार्य (गगन चुम्बन)को दोस्रो गजलसङ्ग्रह  ‘गगनाँसु’ लोकार्पण सम्पन्न भएको हो । 

    images
    images
    images
    images

    कार्यक्रमका प्रमुख अतिथि प्रा.डा. कृष्ण हरि बराल, समीक्षक भूवन निस्तेज, गजलकार बाबु त्रिपाठी, विशिष्ठ अतिथि निराजन आचार्य तथा स्रष्टाले सामुहिक रूपमा लोकापर्ण गरेका हुन् । समीक्षक भूवन निस्तेज, उमेश अवस्थी आदर्श र गजलकार बाबु त्रिपाठीले कृतिमाथि आ-आफ्नो धारणा राखेका थिए ।

    निस्तेजले गजलको इतिहासलाई औँल्याउँदै गगन चुम्बनको गगनाँसु ऐतिहासिक गजलसङ्ग्रह भएको उल्लेख गरे । उनले सङ्ग्रह भित्रका केही गजलका शेरहरू समेत वाचन गरे र कृति जीवन्त रहने कुराको विश्वास रहेको जिकिर गरे । 

    यस्तै, समीक्षक आदर्शले स्वच्छन्दतावादी काव्यात्मक धारलाई समावेश गर्दै प्रतिकात्मक एवम् परिष्कृत धारमा रचिएको गगनाँसु गजलसङ्ग्रह निकै शक्तिशाली रहेको अभिमत राखे। 

    कार्यक्रममा बोल्दै गजलकार बाबु त्रिपाठीले आफूले दशक लामो समय गजलकालागि देश दौडाह गरिरहँदा यो कृति अहिलेसम्म प्रकाशित गजलसङ्ग्रह मध्येको एक उत्कृष्ट पुस्तक भएकाले सबै गजल पारखीहरूले पढ्न आवश्यक रहेको बताए ।

    कार्यक्रममा प्रमुख अतिथि प्रा. डा. बरालले गगन चुम्बनको गगनाँसु शास्त्रीय हिसाबलेसमेत आजसम्मकै नमूना गजलसङ्ग्रह बनेकाले यसले हरेक पाठकका मनलाई स्पर्श गर्ने छ भन्दै गजलको इतिहासमा यो कृतिले महत्त्वपूर्ण स्थान ओगट्ने भएकाले यो कृति अमूल्य रहेको बताउँदै स्रष्टालाई बधाई एवम् शुभकामना दिए ।

    images
    images
    images
    images
    images
    images
    images
    साताको लोकप्रीय
    images
    थप समाचार