चिनियाँ उपराष्ट्रपति हान झेङले शुक्रबार चीन र संयुक्त राज्य अमेरिकाका व्यापारिक व्यक्तित्वहरूसँग भेटघाट गरेका छन् । 

सो अवरसमा उनले दुई देशका व्यापारिक संयन्त्रलाई मित्रता र आपसी विश्वासको जग बलियो बनाउन र सहयोगका क्षेत्रहरू थप विस्तार गर्न आह्वान गरेका छन् । 

बेइजिङमा आयोजित अमेरिकी चेम्बर अफ कमर्स इन द पिपल्स रिपब्लिक अफ चाइनाको वार्षिक प्रशंसा भोजलाई सम्बोधन गर्दै उनले सो कुरा बताएका हुन् । 

यस वर्ष चीन र अमेरिकाबीच कूटनीतिक सम्बन्ध स्थापना भएको ४५ औँ वार्षिकोत्सव भएको स्मरण गर्दै हानले दुई देशका व्यापारिक सर्कलहरू द्विपक्षीय सहयोगका सहभागी, साक्षी र योगदानकर्ता रहेको र भविष्यमा पनि 
 उनीहरूको भूमिका महत्त्वपूर्ण हुने बताए । 

उपराष्ट्रपतिले चिनियाँ अर्थतन्त्रमा बलियो लचिलोपन, सम्भावना र  थुप्रै ठाउँ रहेको र नयाँ सम्भावनाका साथ  अझै बढिरहेको बताएका छन् । 

चीनले उच्च स्तरमा खुलापन विस्तार गर्ने, विदेशी लगानीको पहुँचको नकारात्मक सूचीलाई घटाउने, विदेशी उद्यमहरूलाई प्रभावकारी रूपमा राष्ट्रिय व्यवहारको ग्यारेन्टी गर्ने र बजारमुखी, कानूनमा आधारित र अन्तरराष्ट्रिय व्यापार वातावरणलाई थप अवसरहरू उपलब्ध गराउने छ। 

उपराष्ट्रपति हानले थप अमेरिकी कम्पनीहरूलाई चीनमा लगानी गर्न आग्रह गरेका छन् ।