काठमाडौँ / साङ्ग्रिला डेभलपमेन्ट बैङ्क लिमिटेड र अपोलो हस्पिटल बिच सम्झौता भएको छ । ग्राहक र कर्मचारीहरूलाई उपचारमा विशेष छुट उपलब्ध गराउने उद्देश्यले आइतबार बैङ्क र हस्पिटलबिच उक्त सम्झौता भएको हो ।
सम्झौतामा बैङ्ककोतर्फबाट प्रमुख कार्यकारी अधिकृत सुयोग श्रेष्ठ र अपोलो हस्पिटलकोतर्फबाट अपोलो इन्फरमेसन सेन्टरका प्रमुख कार्यकारी अधिकृत तथा दुगर ग्रुपको उपाध्यक्ष अभिषेक दुगरले हस्ताक्षर गरेका छन् ।
सम्झौता अनुसार अपोलो हस्पिटलले बैङ्कका ग्राहकहरू तथा कर्मचारीहरुलाई १० प्रतिशतसम्म छुट प्रदान गर्नेछ ।
साथै अपोलो मेन हस्पिटल चेन्नई, अपोलो क्यानस इन्ष्टिच्यूट चेन्नई, हैदराबाद, बैंगलोर, मुम्बई, न्यु दिल्ली, कोलकाता जस्ता अपोलो हस्पिटलका संजालहरुमा समेत यी सबै सुबिधा उपलब्ध रहेको रहेको छ ।
