काठमाडौँ / एभरेष्ट बैंक लाभांश घोषणा गर्ने पहिलो बैंक बनेको छ । बैंकले गत बर्षको मुनाफाबाट आफ्ना शेयरधनीहरूलाई लाभांश घोषणा गरेको हो ।
हालसम्म अन्य बैंकहरूले लाभांश घोषणा गरेका छैनन् । शुक्रबार दिउँसो १ बजे बसेको बैंकको सञ्चालक समितिको ३७२ औँ बैठकले आर्थिक बर्ष २०८०/८१ को सञ्चित मुनाफाबाट सेयरधनीहरूलाई लाभांश प्रस्ताव गरेको हो ।
बैंकले ५.५३ प्रतिशत नगद लाभांश र १० प्रतिशत बोनस सेयर दिने प्रस्ताव गरेको छ । नगद लाभांश र बोनस सेयरसमेतमा कर लाग्ने बैंकले जनाएको छ ।
हाल बैंकको चुक्ता पुँजी ११ अर्ब ७६ करोड ७९ लाख रुपैयाँ रहेको छ ।
.gif)
