काठमाडाैं / नेपालको हिमालयन बर्गर हार्डरक इन्टरनेशनलको प्रतिष्ठित वल्ड बर्गर टुरको शिर्ष ५ स्थानमा पर्न सफल भएको छ ।
हार्डरक क्याफे काठमाडौंको बर्गर भारत, रोमानिया, अमेरिका, ब्राजिलको बर्गरसँगै शिर्ष ५ मा पर्न सफल भएको हो। योसँगै आजदेअि नेपाली बर्गर विश्वभरका १५४ हार्ड रक क्याफेहरूमा लन्च हुनेछ ।
हार्ड रक क्याफे काठमाडौंले आफ्नो ५३ औं वार्षिकोत्सवको अवसरमा एक कार्यक्रम आयोजना गरी हिमालयन बर्गरलाई विश्वव्यारी रुपमा प्रतिस्प्रर्धा गर्न पाउँदा खुशी व्यक्त गरेको छ ।
यस्तै क्याफेका सहायक महाप्रवन्धक नारायण सुवेदीले हिमालयन बर्गर विश्व बर्गर टुरको शीर्ष ५ पर्नु गुणस्तर र पाक उत्कृष्टताप्रतिको प्रतिवद्धताको प्रमाण भएको बताए ।
नेपाली स्थानिय मसला र हिमालयन जडिबुटीको विशेष मिश्रणले विश्वमा नेपाली बर्गरले परक पहिचान बनाएको छ । जुन १४ देखि सेप्टेम्बर २ सम्म चर्चित हिमालयन बर्गर सहित वर्ल्ड बर्गर टुरका सबै शीर्ष ५ बर्गरहरू हार्ड रक क्याफे काठमाडौंमा उपलब्ध भइसकेका छन् ।
यस अवधिमा, अतिथिहरूले हार्ड रक क्याफे काठमाडौंमा शीर्ष ५ बर्गरको मजा लिन सक्छन् भने अन्तिम विजेता निर्धारण गर्न मद्दत गर्न आफ्नो भोट दिन सक्छन्। यस चरणको अन्त्यमा एक उत्कृष्ट बर्गरलाई विश्व बर्गर टुर च्याम्पियनको ताज लगाइनेछ।
