काठमाडौँ / आइतबार नेपाली बजारमा सुनको भाउ सामान्य बढेको छ भने चाँदीको भाउ स्थिर रहेको छ । नेपाल सुनचाँदी व्यवसायी महासंघका अनुसार गत साताको शुक्रबारको तुलनामा आज सुनको भाउ प्रतितोला २ सय रुपैयाँले बढेको हो ।
शुक्रबार छापावाल सुन प्रतितोला १ लाख ४१ हजार ८ सय रुपैयाँ रहेकोमा आज बढेर १ लाख ४२ हजार रुपैयाँ पुगेको छ । त्यस्तै, तेजावी सुन प्रतितोला १ लाख ४१ हजार १ सय रुपैयाँ रहेकोमा आज बढेर १ लाख ४१ हजार ३ सय रुपैयाँ कायम भएको छ ।
यता, चाँदी भने शुक्रबारकै मूल्य अनुसार प्रतितोला १ हजार ७ सय ९० रुपैयाँमा कारोबार हुने महासंघले जनाएको छ ।
.gif)
