काठमाडौँ / बैंक तथा वित्तीय संस्थाहरूको निक्षेपको आकार ६३ खर्ब नाघेको छ ।
नेपाल राष्ट्र बैंकको अनुसार असार १२ गतेसम्म वाणिज्य बैंक, विकास बैंक तथा फाइनान्सको निक्षेप संकलन ६३ खर्ब २ अर्ब रुपैयाँ पुगेको हो ।
केन्दिै्रय बैंकका अनुसार पछिल्लो दिन मात्र बैंकिङ प्रणालीमा ८ अर्ब रुपैयाँले निक्षेप थपिएको छ । तर यस अवधीमा बैंकहरूको कर्जा लगानी भने खासै सुधार हुन सकेको छैन ।
केन्द्रीय बैंकका अनुसार असार १२ गतेसम्म बैंक तथा वित्तीय संस्थाहरूले ५१ खर्ब ४५ अर्ब रुपैयाँ मात्र कर्जा लगानी गर्न सकेका छन् । यो कूल निक्षेप सङ्कलनको तुलनामा ७९.५१ प्रतिशतको मात्र लगानी हो ।
केन्द्रीय बैंकले मौद्रिक नीतिमार्फत बैंक तथा वित्तीय संस्थालाई निक्षेपको ९० प्रतिशतसम्म अर्थात् कर्जा÷निक्षेप अनुपात (सीडी रेसियो) ९० प्रतिशतसम्म कायम गर्न पाउने सुविधा दिएको छ । तर हाल बैंकहरूले ७९.७१ प्रतिशत मात्र सीडी रेसियो कायम गरेका छन् ।
नेपाल बैंकर्स संघका अनुसार हाल बैंकहरूसँग ६ खर्ब रुपैयाँमाथि लगानी योग्य रकम (तरलता) रहेको छ । बजारमा कर्जाको माग नै नभएको अवस्थामा बढ्दो जोखिमलाई लिएर यता बैंकहरूले पनि लगानीमा कडाई गर्दा निक्षेप थुप्रिन पुगेको हो ।
