काठमाडौँ / आर्थिक बर्ष २०८०/८१ मा नागरिक लगानी कोष १ अर्ब १० करोड रुपैयाँ खुद नाफा आर्जन गरेको छ। 

कम्पनीले सार्वजनिक गरेको गत आर्थिक बर्षको चौथो त्रैमाससम्मको वित्तीय विवरण अनुसार एक बर्षको अवधीमा कम्पनीले १ अर्ब १० करोड रुपैयाँ खुद नाफा आर्जन गरेको हो । जुन अघिल्लो आर्थिक बर्ष २०७९/८० को तुलनामा ९.९१ प्रतिशतले घटेको हो । अघिल्लो आर्थिक वर्ष कोषले १ अर्ब २२ करोड रुपैयाँ खुद नाफा कमाएको थियो।

समीक्षा अवधिमा कोषको कुल आम्दानी ५.२५ प्रतिशत बढेर १ अर्ब ९२ कारोड ४९ लाख ४० हजार रहेको छ भने कुल खर्च २.७२ प्रतिशतले बढेर ४५ करोड ५ लाख रुपैयाँ पुगेको छ ।

यता, कोषको ब्याज आम्दानी १९.५५ प्रतिशतले बढेर ४२ करोड २५ लाख ६६ हजार रुपैयाँ पुगेको छ भने सेवा शुल्क तथा कमिशन आम्दानी १.३८ प्रतिशतले बढेर १ अर्ब ४१ करोड १२ लाख रुपैयाँ पुगेको छ ।

यस्तै, असार मसान्तसम्म कोषको प्रतिशेयर आम्दानी आम्दानी २ रुपैयाँ २८ पैसा घटेर २० रुपैयाँ ७५ पैसामा सिमित हुँदा प्रतिशेयर नेटवर्थ १७१ रुपैयाँ ४५ पैसा पुगेको छ। 

कम्पनीको चुक्ता पूँजी ५ अर्ब ३१ करोड रुपैयाँ रहेको छ भने जगेडा कोषमा १८ अर्ब १५ करोड रुपैयाँ सञ्चित छ।