काठमाडौँ / काठमाडौँमा केही हरियो तरकारीहरूको मूल्य बढीरहेको छ । कालीमाटी फलफूल तथा तरकारी बजार विकास समितिको मूल्यसूची अनुसार बोडी प्रतिकेजी ३५ रुपैयाँ, पालूगो साग ५० रुपैयाँ, कुरीलो ७३ रुपैयाँ र भेडे खुर्सानी ८३ रुपैयाँले महँगिएको छ । 

यसअघि प्रतिकेजी ५६ रुपैयाँ ३३ पैसा रहेको रातो आलुको भाउ आज बढेर ५९ रुपैयाँ, लोकल बन्दा १० रुपैयाँले बढेर ५५ रुपैयाँ पुगेको छ भने तराई बन्दा ४५ रुपैयाँ तने बोडी १६० रुपैयाँ, मटरकोशा २२६ रुपैयाँ ६७ पैसा, बरेला १३५ रुपैयाँ, पालूगो साग १९० रुपैयाँ, तोरीको साग ६५ रुपैयाँ, कुरीलो ६५० रुपैयाँ, जिरीको साग २७६ रुपैयाँ ६७ पैसा, सेलरी ७६० रुपैयाँ पर्नेछ । 

त्यस्तै, पुदीना प्रतिकेजी ७६० रुपैयाँ, लोकल काक्रो ९५ रुपैयाँ, भेडे खुर्सानी ३६० रुपैयाँ, हरियो लसुन ३७६ रुपैयाँ ६७ पैसा र हरियो धनिया १७६ रुपैयाँ ६७ पैसा तोकिएको छ । 

विस्तृत तालिकामा हेर्नुस्