काठमाडौँ / चितवनमा तिहारलाई लक्षित गरी सयपत्री तथा मखमली मालाको मूल्य १०० रुपैयाँ निर्धारण गरिएको छ । विगतमा फूलको मालाको मूल्य फरक फरक भएकाले यस पटक १०० निर्धारण गरिएको एशोसियसनले जनाएको छ ।
फ्लोरिकल्चर एशोसिएसन चितवनले तिहारका लागि आवश्यक पर्ने सयपत्री तथा मखमली फूल पर्याप्त भएको जानकारी दिएको छ । एशोसियसनले निर्धारण भएको मूल्यभन्दा बढीमा फूल र माला बिक्री नगर्न कृषक बिक्रेतालाई आग्रह गरेको छ ।
सयपत्री फूल प्रतिकिलो ४ सय देखि ४ सय पचास कायम गरिएको कृषकले बताएका छन् । चितवनमा यस वर्ष ४० विघा क्षेत्रफलमा करिब ३ लाख ओटा सयपत्री माला हुने फूल खेती भएको एशोसिएसनको तथ्याङ्क छ ।
भरतपुर महानगरपालिकाले स्थानीय उत्पादनलाई प्रयोग गर्न भरतपुरवासीलाई अनुरोध गरेको छ । जिल्लामा ठूलो मात्रामा व्यवसाय गर्ने कृषक १० देखि १५ जना रहेका छन् । उनीहरूले एक बिघा क्षेत्रफलभन्दा बढी क्षेत्रफलमा पुष्प व्यवसाय गरेका छन् ।
यसैबीच फ्लोरिकल्चर एशोसिएसन चितवनले विदेशी उत्पादनलाई भित्रिन नदिन जिल्ला प्रशासन कार्यालय तथा ७ वटा पालिकालाई पत्राचार गरिसकेको छ ।
