काठमाडौँ / विश्व बजारमा सुनको माग घटेसँगै नेपाली बजारमा पनि सुनको भाउमा गिरावट आएको छ । नेपाल सुनचाँदी व्यवसायी महासङ्घले सार्वजनिक गरेको मूल्यअनुसार एकैदिन सुन प्रतितोला ४ हजार रुपैयाँले घटेको हो ।
बुधबार १ लाख ६८ हजार ५ सय रुपैयाँ रहेको सुनको भाउ बिहीबार घटेर १ लाख ६४ हजार ५ सय रुपैयाँमा झरेको हो । विश्वका लगानीकर्ताहरूको आकर्षण सुनमा भन्दा बढी अमेरिकी डलरमा परेका कारण मागसँगै सुनको मूल्यमा पनि गिरावट आएको देखिन्छ ।
त्यस्तै, आज १० ग्राम सुनको भाउ १ लाख ४१ हजार ३० रुपैयाँ कायम भएको छ । यता, चाँदीको भाउ पनि एकैपटक तोलामा ५५ रुपैयाँले घटेको छ । बुधबार तोलामा २ हजार १५ रुपैयाँ पर्ने चाँदीलाई आज १ हजार ९ सय ६० रुपैयाँ मात्रै पर्नेछ ।
.gif)
