काठमाडौँ / नेपाल क्रिकेट संघ (क्यान)ले सिद्धार्थ बैंक नेपाल प्रिमियर लिग (एनपिएल)का लागि टिकट मूल्य निर्धारण गरेको छ । क्यानले विज्ञप्ति जारी गरेर टिकट मूल्य सार्वजनिक गरेको हो । आज रातिदेखि खुला गरिएको टिकट खल्ती एपबाट काट्न सकिनेछ।
मङ्सीर १५ गते (शनिबार) उद्घाटन खेलको टिकट मूल्य साधारणतर्फ ३ सय र भिआइपीतर्फ ७ सय तोकिएको छ। अरु लिग खेलको ३ सय र भिआइपीतर्फ ५ सय रुपैयाँ टिकट मूल्य तोकिएको छ।
लिग खेलमा एउटा टिकटले दिनको दुबै खेल हेर्न सकिनेछ। प्लेअफको ५ सय र ७ सय रुपैयाँ टिकट मूल्य तोकिएको छ। फाइनल खेलको ५ सय र एक हजार रुपैयाँ टिकट मूल्य तोकिएको छ।
सिजनल पासको लागि २० प्रतिशत छुटसहित साधारणतर्फ ४ हजार ४ सय ८० रुपैयाँ र भिआइपीतर्फ ८ हजार २ सय ४० रुपैयाँ मूल्य निर्धारण गरिएको छ । मंसिर र १५ देखि पुस ६ गतेसम्म कीर्तिपुर स्थित त्रिवी मैदानमा हुने प्रतियोगितामा ८ फ्रेन्चाइज टिमबीच प्रतिस्पर्धा हुनेछ।
.gif)
