काठमाडौँ / दशैँको रमाइलोलाई थप विशेष बनाउँदै इनफिनिक्सले ‘दशैँ धमाका बम्पर पुरस्कार’ विजेता काठमाडौँका बीर बहादुर तामाङलाई घोषणा गरेको छ ।
कम्पनीले बम्पर पुरस्कारको रूपमा आकर्षक भेस्पा एलेगान्ते १५० स्कूटर एक विशेष कार्यक्रममार्फत तामाङलाई प्रदान गरेको छ ।समारोहमा इनफिनिक्सका प्रतिष्ठित राष्ट्रिय वितरकहरूले सो उपहार हस्तान्तरण गरे।
यो योजना सेप्टेम्बर १६ देखि अक्टोबर ३१ सम्मका लागि तय गरिएको भए पनि नोभेम्बर ३ सम्म विस्तार गरिएको थियो । यसले अझ धेरै मानिसलाई सहभागिता जनाउन र बम्पर पुरस्कार जित्न मौका प्रदान गरेको कम्पनीले जनाएको छ ।
यो इनफिनिक्सको ग्राहकहरूप्रतिको प्रतिबद्धता र सामुदायिक भावना बलियो बनाउने महत्त्वपूर्ण कदम बनेको बताइएको छ ।
कम्पनीले यस वर्षको ‘दशैँ धमाका’ले इनफिनिक्सको ग्राहकहरूसँगको बलियो सम्बन्ध र उत्सवलाई थप खुसीमय बनाउने उद्देश्यले सो योजना ल्याएको थियो ।
“यो कार्यक्रम केवल उत्सव मात्र नभई इनफिनिक्सको सामुदायिक सहभागिता र ग्राहकहरूको विश्वास जित्ने उदाहरणीय प्रयास थियो,” कम्पनीद्वारा जारी विज्ञप्तिमा उल्लेख छ ।
इनफिनिक्सले ‘दशैं धमाका’लाई सफल बनाउने सबै सहभागीहरूलाई हार्दिक धन्यवाद ज्ञापन गरेको छ। आगामी दिनमा पनि यस्ता रमाइलो र लाभदायक कार्यक्रमहरू ल्याउने प्रतिबद्धता व्यक्त गर्दै विज्ञप्तिमा भनिएको छ, “यो कार्यक्रमले उद्योगमा सामुदायिक सहभागिता र ग्राहक प्रशंसा गर्न नयाँ मापदण्ड स्थापित गरेको छ।”
