काठमाडौँ / काठमाडौँको भृकुटीमण्डपमा दोस्रो अन्तर्राष्ट्रिय दक्षिण एसियाली पुस्तक मेला चलिरहेको छ। नेपाल पुस्तक तथा स्टेसनरी व्यवसायी महासंघ र करेन्ट मिडिया एन्ड रिसर्च सेन्टरको संयुक्त आयोजनामा ‘साउथ एसिया इन्टरनेशनल बुक फेयर २०२५’बुधबारदेखि सुरु भएको हो ।
पाँच दिनसम्म चल्ने पुस्तक प्रदर्शनीमा दक्षिण एसियाली लेखकहरूका विभिन्न पुस्तकहरू प्रदर्शनीमा छ। प्रदर्शनीमा १५० भन्दा बढी स्टलहरू छन् । देश तथा विदेशका १५० भन्दा बढी प्रकाशक तथा उत्पादकहरूको जमघट भएको छ।
नेपालसहित दक्षिण एसियाली क्षेत्रका धेरै राष्ट्रहरू र चीनको समेत सहभागिता रहेकोले स्वदेशी तथा विदेशी शैक्षिक सामग्रीहरूको अवलोकन, आयात, निर्यात जस्ता कुरामा सहज वातावरण बन्ने र विभिन्न देशका उत्पादकबीच आपसी सहकार्यको वातावरण बनाउन सहयोग पुग्ने आयोजकले जनाएको छ ।
प्रदर्शनीमा नेपालसहित चीन, दक्षिण एसिया क्षेत्रका भारतसहितका अधिकांश देश र अन्य देशका प्रकाशक, उत्पादक तथा वितरकहरूको सहभागिता रहेको छ।
