सिन्धुलीको जुनार नेपालभरि प्रख्यात छ । सिन्धुली जिल्लालाई जुनार फल्ने प्रमुख जिल्लाको रुपमा लिइन्छ । नेपालको मौलिक फल जुनारकोे उत्तपादन सिन्धुली लगायत दोलखा रामेछाप लगायत क्षेत्रमा पनि पाइन्छ । आज बसेको प्रतिनिधि सभाको बैठकमा सांसद रण कुमारी बलम्पाखी मगरले सिन्धुली गोलन्जर गाउँपालिका क्षेत्रमा जुनारमा लाग्ने सूर्य पुतलीका कारण समस्या परको विषय उठाइन् । उनले बार्षिक १ अर्व रुपैयाँ बढिको आर्थिक रुपैयाँ भित्र्याउने यस क्षेत्रमा रातीमा लाग्ने किराले औँसा पार्दा किसानहरु प्रताडित बनेको बताईन् ।
सूर्य पुतली साँझ करिब ७ बजेदेखि मध्यरातसम्म जुनारलाई चुसेर औँसा पार्दछ । किसानले लाखौं रुपैयाँ खर्च गर्दा पनि नियन्त्रण्मा आउन सकेको छैन । सांसद मगरले कृषि मन्त्रालयलाई ध्यानकार्षण गराउँदै तुरुन्त यसको नियन्त्रणमा सरकारले कदम चाल्नुपर्ने बताईन् ।
साथै जुनार प्रशोधन तथा व्यवस्थापन गर्न पनि सरकारले ध्यान दिनुपर्ने बताईन् ।
