काठमाडौँ / माछापुच्छ्रे बैंक लिमिटेडले चालु आर्थिक बर्ष २०७९/८० को लाभांश घोषणा गरेको छ । बैंकको बुधबार बसेको सञ्चालक समितिको ४८६ औँ बैठकले गत आर्थिक वर्षको लाभांश घोषणा गर्ने निर्णय गरेको हो ।

बैंकले हाल कायम चुक्ता पुँजीको १३.३० प्रतिशत बोनस र कर प्रयोजनको लागि ०.७० प्रतिशत नगद गरि १४ प्रतिशत लाभांश बितरण गर्ने प्रस्ताव गरेको छ ।

बैंकले प्रस्ताव अनुसार नेपाल राष्ट्र बैंकले स्वीकृति दिएपछि र बैंकको आगामी साधारणसभाले पारित गरेपछि उक्त लाभांश लगानीकर्तामा वितरण हुनेछ ।

गत वर्ष पनि बैंकले कुल १४ प्रतिशतनै लाभांश वितरण गरेको थियो । गत वर्ष पनि बैंकले १३ दशमलव ३० प्रतिशत बोनस शेयर र कर प्रयोजनका लागि शून्य दशमलव ७० प्रतिशत प्रतिशत नगद लाभांश वितरण गरेको थियो ।

गत आर्थिक बर्षको चौथो त्रैमाससम्मको वित्तीय विवरण अनुसार बैंकको चुक्ता पुँजी १० अर्ब २५ करोड ७१ लाख रुपैयाँभन्दा बढी रहेको छ भने रिर्जभमा ४ अर्ब ४६ करोड रुपैयाँ, रिटेन्ड अर्निङमा १ अर्ब ५६ करोड रुपैयाँ र शेयर प्रिमियममा ३ करोड रुपैयाँभन्दा बढी सञ्चित गरेको छ । 

यस्तै, बैङ्कले १ खर्ब २६ अर्ब ४६ करोड ५९ लाख रुपैयाँ मात्रै ऋण लगानी गरेको छ भने वितरणयोग्य नाफा १ अर्ब ५६ करोड भन्दा बढी रहेको छ ।