.jpg)
काठमाडौँ / आरोन फर्निचर नेपालीहरूको मुख्य चाड दशैँ तिहारलाई लक्षित अफर सार्वजनिक गरेको छ । कम्पनीले चाडपर्वलाई लक्षित गरी स्टक क्लिरेन्स गर्ने उद्देश्यले २५ प्रतिशतसम्म छुटको अफर ल्याएको हो । फर्निचर तथा फर्निसिङ क्षेत्रमा लामो समयदेखि ग्राहकहरूको रोजाइ अनुसार सुरक्षित, भरपर्दो र विश्वासिलो तवरले गुणस्तरीय फर्निचर तथा फर्निसिङ्जन्य सेवा प्रवाह गरिरहेको आरोनले समयसमयमा ग्राहकहरू लक्षित स्किमसमेत ल्याइरहेको छ ।।
विशेषगरी आकर्षक डिजाइन तथा कलरका पर्दा तथा सोफा सेटहरू उपलब्ध गराउने स्टक क्लिरेन्स गर्ने उद्देश्यले विशेष छुट योजना ल्याएको कम्पनीले जनाएको छ । सहरका मध्यमदेखि उच्चवर्ग लक्षित गर्दै कम्पनीले नेपालमै अन्तर्राष्ट्रिय स्तरको फर्निचर उत्पादन गर्दे आएको छ ।
आरोनबाट पाइने सेवाहरू
कम्पनीले घर, कार्यालय, होटल, हस्पिटालिटीका लागि इन्टेरियर डिजाइन सेवासमेत उपलब्ध गराउँदै आएको छ । मोडुलर किचन, विभिन्न अफिसियल तथा घरायसी फर्निचरका साथै पर्दा लगायत फर्निसिङका सामान पनि उपलब्ध छ ।
आरोन फर्निचरका डाइरेक्टर राजेन्द्र श्रेष्ठका अनुसार ग्राहकहरूको रुचि र विशेषतालाई बुझेर आरोनले उत्कृष्ट सेवा दिइरहेको छ । उनले भने “व्यक्ति व्यक्तिको रुचि, आवश्यकता, चाहानालाई हामी बुझ्छौँ र उहाँहरूको इच्छालाई हामी पुरा गर्दछौँ।”
उनका अनुसार कम्पनीले तयारी सामानको होम डेलिभरी सुविधा समेत दिएको छ । आरोनका फर्निचरहरू अत्याधुनिक प्रविधिबाट निर्मित भएकोले फोल्डिङ गर्न मिल्ने, सहज सरल र बलियो भएको कम्पनीले दावी गरेको छ ।
“उच्च कोटीको टेक्नोलोजीको प्रयोग र उत्कृष्ट डिजाइनमा बनाइएको हुनाले आरोनका प्रोडक्टहरू फिनिसिङ उत्कृष्ट, र आकर्षक छन् । अन्तर्राष्ट्रिय ब्राण्डसँग तुलना गर्न सकिन्छ । बजारको भन्दा फरक खालका सामानहरू उत्पादन हुन्छन्”, डाइरेक्टर श्रेष्ठले भने । आधुनिक प्रविधि र डिजाइनरको सहायतामा आरोनको उत्पादन नेपाली बजारमा पछिल्लो समय ब्राण्डको रूपमा स्थापित छ ।
.gif)
