काठमाडौँ / सिद्धार्थ बैंकले हालै मात्र गत आर्थिक वर्ष २०७९/८० को मुनाफाबाट आफ्ना सेयरधनीहरुको लागि लाभांश घोषणा गरेको छ । बैंकले गत आर्थिक वर्ष २०७९/८० को नाफाबाट लगानीकर्ताहरुलाई जम्मा ४.२१ प्रतिशत मात्र लाभांश वितरण गर्ने भएको हो । सो पनि बोनसमा नभएर नगदमा मात्र वितरण गर्ने भएको हो ।

बैंकले गत वर्षको मुनाफाबाट सेयरधनीलाई हाल कायम चुक्तापुँजी १४ अर्ब ८ करोड ९९ लाख ८० हजार १९० रुपैयाँको ४.२१ प्रतिशतले हुन आउने ५९ करोड ३१ लाख ८८ हजार १६६ रुपैयाँ नगद लाभांश (करसहित) वितरण गर्ने प्रस्ताव गरेको हो । अघिल्लो आर्थिक बर्ष २०७८/७९ मा कुल १३.१६ प्रतिशत लाभांश वितरण गरेको बैंकले बोनस लाभांश मात्र १२.५ प्रतिशत वितरण गरेको थियो ।

बैंकले आर्थिक वर्ष २०७९/८० मा ३ अर्ब १९ करोड १ लाख रुपैयाँ खुद नाफा आर्जन गरेको छ। बैंकको मुनाफा अघिल्लो वर्ष २०७८ को तुलनामा २६ करोड अर्थात् ९.९१ प्रतिशत बढेको हो । बैंकको वितरणयोग्य मुनाफा ७९ करोड ५७ लाख रुपैयाँ रहेको छ । सो आधारमा बैंकको प्रतिसेयर ५.६५ रुपैयाँ वितरणयोग्य गर्ने क्षमता रहेको थियो ।

बैंकको नाफा अघिल्लो बर्षको तुलनामा २६ करोडले बढेपनि बैंकको नन् पर्फमिङ्ग लोन (खराब कर्जा) बढ्दा बैंक समस्यामा फसेको हो । अघिल्लो वर्ष जम्मा ०.९४ प्रतिशत रहेको बैंकको एनपीएल दर पछिल्लो वर्ष ह्वात्तै बढेर २.०१ प्रतिशत पुगेको छ ।

समीक्षा वर्षमा बैंकले २ खर्ब २३ अर्ब ६५ करोड ४६ लाख रुपैयाँ निक्षेप संकलन गर्दै जम्मा १ खर्ब ८४ अर्ब ४ करोड ५६ लाख रुपैयाँ कर्जा लगानी गरेको छ । सो मध्ये पनि ३ अर्ब ७० करोड रुपैयाँ माथिको खराब कर्जा (उठ्न नसकेको लगानी) ले गर्दा बैंकलाई समस्यामा पारेको हो । हाल बैंकको चुक्ता पुँजी १२.५० प्रतिशत बढेर १४ अर्ब ८ करोड ९९ लाख रुपैयाँ, जगेडा कोष २५.३६ प्रतिशत बढेर ११ अर्ब ३७ करोड ४७ लाख रुपैयाँ सञ्चित छ ।

बैंकको १० बर्षे लाभांश इतिहास हेर्ने हो आर्थिक वर्ष २०७९/८०को लाभांस बैंकले दिएको अहिले सम्म कै कमजोर हो। बैंकको १० वर्षको लाभांश इतिहास नियाल्दा बैंकले सबैभन्दा धेरै आर्थिक वर्ष २०७२/७३ मा ३९ प्रतिशत लाभांश वितरण गरेको थियो भने सबैभन्दा थोरै गएको आर्थिक वर्ष २०७९/८० को हालै मात्र घोषणा गरिएको ४.२१ प्रतिशत लाभांश रहेको छ।

यस्तो छ बैंकको १० बर्षे लाभांश इतिहास

बैंकको १० वर्षे इतिहास हेर्ने भने २ आर्थिक वर्षमा नगद लाभांश दिएको छैन भने २ आर्थिक वर्षमा बोनस सेयर र १ आर्थिक बर्ष अर्थात भालु आर्थिक बर्षमा नगद शेयर दिएको छैन । बैंकको लाभांश इतिहास हेर्ने हो भने बैंकले नगद लाभांश भन्दा बोनस सेयरमा जोड दिएको छ ।

१० बर्ष यता बैंकले सबैभन्दा धेरै बढी लाभांश आर्थिक वर्ष २०७२/७३ मा दिएको छ । बैंकले सो आर्थिक वर्षमा बोनस सेयरबाट सेयरधनीहरुलाई ३९ प्रतिशत दिएको हो ।

त्यस्तै, आर्थिक वर्ष २०७५/७६ मा १० प्रतिशत बोनस र १५.२६ प्रतिशत नगद गरी कुुल २५.२६ प्रतिशत, आर्थिक वर्ष २०७०/७१ मा १२ प्रतिशत बोनस र ११.१६ प्रतिशत नगद गरी कुल २३.१६ प्रतिशत लाभांश दिएको छ ।

यसरी सम्रगमा हेर्ने हो भने बैंकले १० बर्षमा १३८.७५ प्रतिशत बोनश र ४४.२५ प्रतिशत नगद लाभांश आफ्ना शेयरधनीहरूलाई दिएको छ ।

बैंकले कुन आर्थिक बर्षमा कति बाँड्यो लाभांश ?