काठमाडौँ / कामना सेवा विकास बैंक लिमिटेडका लगानीकर्ताहरूले यस बर्ष लाभांश नपाउने भएको छ । बैंकले गत आर्थिक वर्ष २०७९/८०सम्मको मुनाफाबाट शेयरधनीलाई कुनै पनि लाभांश वितरण नगर्ने निर्णय गरेसँगै लगानीकर्ताहरूको हात खाली हुने भएको हो ।
कार्तिक २१ गते मङ्गबार बसेको बैंकको सञ्चालक समितिको बैठकले गत आर्थिक वर्षको वित्तीय विवरणहरूमाथि छलफल गरी लाभांश वितरण नगर्ने निर्णय गरेको हो ।
साथै बैठकले गत आर्थिक वर्षको अन्त्यमा कायम रहेको वितरणयोग्य मुनाफा सञ्चित गर्ने र लाभांश वितरण नगर्ने प्रस्ताव सहितको वित्तीय विवरणहरू अन्तिम स्वीकृतिका लागि नेपाल राष्ट्र बैंकसमक्ष पेस गर्ने निर्णयसमेत गरेको छ ।
राष्ट्र बैंकबाट कुनै संशोधन, सुझाव तथा निर्देशन प्राप्त भएमा सोसमेत समावेश गरी आगामी वार्षिक साधारण सभामा स्वीकृतिका लागि पेस गर्ने बैंकको निर्णय छ ।
अघिल्लो आर्थिक वर्ष २०७८/७९ को मुनाफाबाट गत वर्ष बैंकले ४.४१ प्रतिशत बोनस शेयर र कर प्रयोजनको लागि ०.२३२१ प्रतिशत नगद लाभांश वितरण गरेको थियो ।
.gif)
