काठमाडौँ / चालु आर्थिक बर्ष २०८०/८१ को चार महिनामा १ अर्ब १३ करोड रुपैयाँ भन्दा बढिको नेपाली सिमेन्ट तथा क्लिंकर निर्यात भएको छ । 

भन्सार विभागले सार्वजनिक गरेको तथ्याङ्क अनुसार चार महिनामा अर्थात साउन, भदौ, असोज र कात्तिकमा १ अर्ब १३ करोड रुपैयाँबराबरको ८ लाख टन सिमेन्ट र क्लिंकर निर्यात भएको हो ।सरकारले निर्यात अनुदान दिएपछि सिमेन्ट र क्लिंकर निर्यातमा भारी वृद्धि भएको तथ्याङ्कले देखाएको छ । 

विभागको तथ्यांकअनुसार गत आर्थिक बर्ष २०७९/८० को चार महिना (साउनदेखि कात्तिकसम्म) मा ३ करोड ५१ लाख २४ हजार रुपैयाँबराबरको ६६ हजार टन सिमेन्ट र क्लिंकर निर्यात भएको थियो ।

चालु आर्थिक बर्षको चार महिनामा ५८ करोड ५७ लाख रुपैयाँ बराबरको १ लाख ७४ हजार टन क्लिंकर र ५४ करोड ४९ लाख रुपैयाँ बराबरको ६ लाख ३१ हजार टन तयारी सिमेन्ट भारत निर्यात भएको छ । विभागको तथ्याङ्क अनुसार कात्तिकमा मात्रै २७ करोड ७७ लाखको सिमेन्ट र क्लिंकर निर्यात भएको छ ।

गत आर्थिक वर्षको बजेटमार्फत तत्कालीन अर्थमन्त्री जनार्दन शर्माले सिमेन्टमा ८ प्रतिशतसम्म नगद अनुदान दिने व्यवस्था गरेपछि २०७९ साउनदेखि निकासी सुरु भएको हो । गत आर्थिक वर्षभरमा ७७ करोड ९३ लाख रुपैयाँ बराबरको सिमेन्ट र क्लिंकर भारत निकासी भएको थियो ।

कुन महिना कति सिमेन्ट निर्यात भयो ? 

– साउन २०७९ मा (पहिलो महिना)– ४९ लाख रूपैयाँ

– भदौ २०७९– ४० लाख रूपैयाँ

– असोज २०७९– एक करोड २६ लाख रूपैयाँ

– कात्तिक २०७९– एक करोड ३५ लाख रूपैयाँ

– मंसिर २०७९– ९१ लाख रूपैयाँ

– पुस २०७९– चार करोड २० लाख रूपैयाँ

– माघ २०७९– आठ करोड सात लाख रूपैयाँ

– फागुन २०७९– १३ करोड ७६ लाख रूपैयाँ

– चैत २०७९– ११ करोड ७६ लाख रूपैयाँ

– वैशाख २०८० मा– १३ करोड १२ लाख रूपैयाँ

– जेठ २०८०– १२ करोड ३२ लाख रूपैयाँ

– असार २०८०– १० करोड २९ लाख रूपैयाँ

– साउन २०८०– २३ करोड ५० लाख रूपैयाँ

– भदौ २०८०– १८ करोड ३४ लाख रूपैयाँ

– असोज २०८०– ४३ करोड ४५ लाख

– कात्त्कि २०८०– २७ करोड ७७ लाख