काठमाडौँ / ज्योति विकास बैंक लिमिटेडले यस वर्ष लाभांश वितरण नगर्ने भएको छ ।
बैंकको पुस ४ गते बसेको सञ्चालक समितिको बैठकले गत आर्थिक वर्ष ०७९/८० को मुनाफाबाट कुनै पनि लाभांश वितरण नगर्ने निर्णय गरेको हो ।
गत आर्थिक वर्षको वार्षिक प्रतिवेदन सहितका वित्तीय विवरण आगामी वार्षिक साधारणसभाबाट पारित गर्न नेपाल राष्ट्र बैंकसँग अनुमति माग्ने निर्णय पनि कम्पनीले गरेको छ ।
विगतका वर्षहरूमा निरन्तर लाभांश वितरण गर्दै आएको कम्पनीले यस वर्ष भने लगानीकर्ताहरूको हात खाली गराएको हो ।
गत वर्ष कम्पनीले ३ प्रतिशत बोनस शेयर र कर प्रयोजनका लागि समेत ३.८० प्रतिशत नगद लाभांश वितरण गरेको थियो ।
.gif)
