काठमाडौँ / साताको अन्तिम कारोबारको दिन शेयर बजारमा सामान्य गिरावट आएको छ । आज नेप्से परिसूचक  १.९३ अंकले घटेर २ हजार ७७ को विन्दुमा कायम हुन पुगेको छ । 

आज नेप्सेमा सूचीकृत ३२२ कम्पनीको ८८ लाख १३ हजार ३७४ कित्ता शेयर किनबेच हुँदा ४ अर्ब ३८ करोड रुपैयाँको शेयर कारोबार भएको छ । आज १०१ कम्पनीको शेयर मूल्य बढेको छ भने १३५ कम्पनीको शेयर मूल्य घटेको छ ।

आज नेप्सेमा रहेका १३ उपसूचकमध्ये आज ५ वटा समूहमा हरियाली छाएको छ भने बाँकी ८ वटा समूह राताम्य भएका छन् । यता, बीमा समूहका दुईवटै उपसूचक घटेका छन् । 

जीवन बीमा समूह ०.२४ प्रतिशत र निर्जीवन बीमा समूह ०.३७ प्रतिशतले घटेको छ । बीमा समूह घट्दा आज एक जीवन बीमा कम्पनी र एक निर्जीवन बीमा गरी दुईवटा बीमा कम्पनीको मात्रै सेयरभाउ बढेको छ । 

आज सर्वाधिक गुमाउने वा सेयरभाउ घट्ने बीमा कम्पनीमा सिद्धार्थ प्रिमियर इन्स्योरेन्स रहेको छ । कम्पनीको सेयरभाउ १.२५ प्रतिशतले घटेर ७६८ रुपैयाँ कायम भएको छ । 

यता, आज दुई बीमा कम्पनीको शेयर मूल्य भने सामान्य बढेको देखिएको छ । आज सगरमाथा लुम्बिनी इन्स्योरेन्सको शेयर मूल्य १.०६ प्रतिशतले बढेर ६८५ रुपैयाँ २० पैसा र एलआइसी नेपालको शेयर मूल्य ०.४४ प्रतिशत बढेर १३७९ रुपैयाँ पुगेको छ । 

२२ कम्पनीको शेयर मूल्य घट्यो, 

आज २२ वटा बीमा कम्पनीको सेयरमूल्य घटेको छ । जसअनुसार एनएलजीको १.१८ प्रतिशत घटेको छ भने रिलायबल नेपाल लाइफको १.१६ प्रतिशत घटेको छ । 

यस्तै, सानिमा रिलायन्स लाइफको १.१२ प्रतिशत, हिमालयन रि इन्स्योरेन्सको १.११ प्रतिशत, नेपाल रि इन्स्योरेन्सको ०.९१ प्रतिशत, प्रभु महालक्ष्मी लाइफको ०.८० प्रतिशत, प्रभु इन्स्योरेन्सको ०.७१ प्रतिशत, नेको इन्स्योरेन्सको ०.६३ प्रतिशत घटेको छ । 

त्यसैगरी, सानिमा जिआइसीको ०.५१ प्रतिशत, सुर्यज्योति लाइफको ०.५१ प्रतिशत, हिमालयन एभरेष्टको ०.३५ प्रतिशत, आइजीआइ प्रेडेन्सियलको ०.३२ प्रतिशत, शिखर इन्स्योरेन्सको ०.२९ प्रतिशतले घटेको छ भने, हिमालयन लाइफको ०.२६ प्रतिशत, सिटिजन लाइफको ०.१९ प्रतिशत, आइएमई लाइफको ०.१८ प्रतिशत, एशियन लाइफको ०.१८ प्रतिशत, आरबीसीएलको ०.११ प्रतिशत, नेपाल लाइफको ०.०२ प्रतिशत र नेशनल लाइफको ०.०२ प्रतिशतले सेयरमूल्य घटेको छ ।