काठमाडौँ / साताको अन्तिम कारोबारको दिन शेयर बजारमा सामान्य गिरावट आएको छ । आज नेप्से परिसूचक  १.९३ अंकले घटेर २ हजार ७७ को विन्दुमा कायम हुन पुगेको छ । 

आज नेप्सेमा सूचीकृत ३२२ कम्पनीको ८८ लाख १३ हजार ३७४ कित्ता शेयर किनबेच हुँदा ४ अर्ब ३८ करोड रुपैयाँको शेयर कारोबार भएको छ । आज १०१ कम्पनीको शेयर मूल्य बढेको छ भने १३५ कम्पनीको शेयर मूल्य घटेको छ ।

आज नेप्सेमा रहेका १३ उपसूचकमध्ये आज ५ वटा समूहमा हरियाली छाएको छ भने बाँकी ८ वटा समूह राताम्य भएका छन् । यता, बीमा समूहका दुईवटै उपसूचक घटेका छन् । 

यी १० कम्पनीका लगानीकर्ताले कमाए सार्वधिक

आज बजार १.९३ अंकले घटेपनि कुनै कम्पनीको शेयर मूल्य भने बढेको पाइएको छ । आज सबैभन्दा धेरै इमर्जिङ नेपाल, भगवती हाइड्रोपावर डेभलपमेन्ट कम्पनी लिमिटेड र मिड सोलु हाइड्रोका लगानीकर्ताले कमाएका छन् । आज यी तीन कम्पनीका लगानीकर्ताले १० प्रतिशतका दरले कमाएका छन् । 

यस्तै, बुद्ध भुमी नेपाल हाइड्रोपावर कम्पनीका लगानीकर्ताले ९.८८ प्रतिशतका दरले कमाएका छन् भने माण्डु हाइड्रोका लगानीकर्ताले ८.४३ प्रतिशतका दरले कमाएका छन् ।

यी १० कम्पनीका लगानीकर्ताले गुमाए सार्वधिक

आज बजार सामान्य घटेसंगै १३५ कम्पनीको शेयर मूल्य घटेको छ । आज सार्वधीक गुमाउने कम्पनीमा माई खोला हाइड्रोपावर कम्पनी रहेको छ । यस कम्पनीका लगानीकर्ताले आज ६.४० प्रतिशतका दरले गुमाएका छन् । 

यस्तै, ज्योति विकास बैंक बन्ड २०८७ कम्पनीका लगानीकर्ताले ५(५३ प्रतिशत, नारायणी डेभलपमेन्ट बैंकका लगानीकर्ताले ५.३१ प्रतिशतका दरले गुमाएका छन् । 

यी १० कम्पनीको कारोबार सबैभन्दा धेरै 

आज शेयर बजारमा ३२२ कम्पनीका ८८ लाख १३ हजार ३७४ कित्ता शेयर ४ अर्ब ३८ करोड ८२ लाख ७८ हजार ७२० रुपैयाँमा किनबेच भएका छन्। यो दिन एनआरएन इन्फ्रास्ट्रक्चरको सर्वाधिक कारोबार भएको छ । 

– एनआरएन इन्फ्रास्ट्रक्चरः १८ करोड ६८ लाख रुपैयाँ
– सीईडीबी हाइड्रोपावरः १४ करोड ४५ लाख रुपैयाँ
– पोखरा फाइनान्सः १४ करोड १३ लाख रुपैयाँ
– हिमालयन लघुवित्तः १० करोड २६ लाख रुपैयाँ
– सुपर मादी हाइड्रोपावरः ८ करोड ९६ लाख रुपैयाँ
– स्वावलम्बन लघुवित्तः ७ करोड ८७ लाख रुपैयाँ
– हाथवे इन्भेस्टमेन्टः ७ करोड ७८ लाख रुपैयाँ
– माण्डु हाइड्रोपावरः ७ करोड ३४ लाख रुपैयाँ
– शिवम सिमेन्टः ६ करोड ९३ लाख रुपैयाँ
– स्वरोजगार लघुवित्तः ६ करोड ८९ लाख रुपैयाँ