काठमाडौँ / आज शेयर बजार नेप्से परिसूचक घटेर बन्द भएको छ । हिजो सामान्य बढेको शेयर बजार नेप्से परिसूचक आज ९ दशलमव ३२ अंकले घटेर २ हजार ११२ को विन्दुमा कायम भएको हो । 

आज ९४ कम्पनीको शेयर मूल्य बढेको छ भने १४७ कम्पनीको मूल्य घटेको छ । आज दिनभरिमा ३१३ कम्पनीको १ करोड ४२ लाख ७९ हजार कित्ता शेयर किनबेच हुँदा ६ अर्ब ४३ करोडमाथिको शेयर कारोबार भएको छ । 

यी कम्पनीका लगानीकर्ताले कमाए सार्वधीक 

आज सबैभन्दा धेरै समृद्धि फाइनान्स र कुथेली बुखरी हाइड्रोका लगानीकर्ताले कमाएका छन् । आज यी दुई कम्पनीका लगानीकर्ताले १० प्रतिशतका दरले कमाएका छन् । साधना लघुवित्त वित्तीय संस्थाका लगानीकर्ताले ९ दशलमव ९९ प्रतिशतका दरले कमाएका छन् । सप्तकोशी डेभलपमेन्टका लगानीकर्ताले ९ दशलमव ८२ प्रतिशतका दरले कमाएका छन् ।

यी कम्पनीका लगानीकर्ताले गुमाए सार्वधीक 

आज सबैभन्दा धेरै डिम सोलु हाइड्रोपावर कम्पनीका लगानीकर्ताले गुमाएका छन् । आज यस कम्पनीक लगानीकर्ताले १० प्रतिशतका दरले गुमाएका हुन् ।

यी १० कम्पनीको उच्च कारोबार

आज सबैभन्दा धेरै नेपाल फाइनान्सको शेयर कारोबार भएको छ । आज यस कम्पनीको २८ करोड ४७ लाख रुपैयाँको शेयर कारोबार भएको छ । एनआरएनको २० करोड ५७ लाख रुपैयाँको शेयर कारोबार भएको छ । समृद्धि फाइनान्सको १७ करोड ५६ लाख रुपैयाँको शेयर कारोबार भएको छ ।

– नेपाल फाइनान्सः २८ करोड ४७ लाख रुपैयाँ
– एनआरएन इन्फ्रास्ट्रक्चरः २० करोड ५७ लाख रुपैयाँ
– समृद्धि फाइनान्सः १७ करोड ५६ लाख रुपैयाँ
– साधना लघुवित्तः १२ करोड ९९ लाख रुपैयाँ
– सीईडीबी हाइड्रोपावरः १२ करोड ९१ लाख रुपैयाँ
– बरुण हाइड्रोपावरः १२ करोड रुपैयाँ
– माउन्टेन इनर्जीः १० करोड १३ लाख रुपैयाँ
– गुडविल फाइनान्सः १० करोड १२ लाख रुपैयाँ
– प्रोग्रेसिभ फाइनान्सः ९ करोड ६९ लाख रुपैयाँ
– हिमालयन बैंकको संस्थापक शेयरः ९ करोड ३७ लाख रुपैयाँ