काठमाडौँ / अर्थमन्त्री वर्षमान पुन ‘अनन्त’ले अबण्डामा ठुलो बजेट नराखिएको जिकिर गरेका छन् । आर्थिक वर्ष २०८१/०८२ का लागि अर्थ मन्त्रालयको वार्षिक कार्यक्रमबारे प्रतिनिधिसभामा सांसदहरूले २ अर्बसम्म अबण्डामा राखिएको भन्ने प्रश्न गरेपछि अर्थमन्त्री पुनले उक्त प्रश्नको खण्डन गर्दै अबण्डामा ठुलो रकम नराखिएको जिकिर गरेका हुन्।
अर्थ मन्त्रालयका लागि आगामी आर्थिक वर्षमा ४८ अर्ब ६१ करोड मात्र विनियोजन गरिएको बताए ।
वित्तीय हस्तान्तरणअन्तर्गत वित्तीय समानीकरण अनुदानतर्फ १ खर्ब ४८ अर्ब, समपुरक अनुदानतर्फ १३ अर्ब २० करोड र विशेष अनुदानतर्फ १२ अर्ब ९० करोड गरी १ खर्ब ७४ अर्ब बढी रकम प्रदेश र स्थानीय तहमार्फत खर्च हुने रकम भएको अर्थमन्त्रीको भनाई छ ।
