काठमाडौँ / नेपालको लागि हुन्डाई गाडीको आधिकारिक वितरक लक्ष्मी इन्टरकन्टिनेन्टलले आफ्ना ग्राहकहरूका नयाँ योजना सार्वजनिक गरेको छ ।
कम्पनीले विद्युतीय गाडी कोना को खरिदमा शून्य प्रतिशत ब्याजदर योजना सार्वजनिक गरेको हो ।
ग्राहकले कोना गाडी ५० प्रतिशत डाउनपेमेन्ट गरी किन्न सक्नेछन्। बाँकी रकम ५ वर्षभित्र तिरे हुन्छ।
हुन्डाई कोना २ वटा भेरियन्टमा उपलप्ध छ । कोना जिएल को मूल्य ५९ लाख ९६ हजार रुपैयाँ र जिएलएस भेरियन्टको मूल्य ६४ लाख ९६ हजार रुपैयाँ रहेको छ ।
हुन्डाई कोनामा मल्टी स्टेज हाइभोल्टेज सेफ्टी सिस्टम युक्त ३९।२ किलोवाट आवरको लिथियम आयोन पोलिमर व्याट्री रहेको छ, जसका कारण यसमा हाइ इनर्जी डेन्सीटी रहन गई रेन्जसमेत बढ्ने छ ।
कोना इलेक्ट्रीकलाई एक पटकको सिंगल चार्जमा ३०५ किलोमिटरसम्म गुडाउन सकिने छ । हुन्डाई कोनामा नयाँ डिजाइनको ग्रिल, डे टाइम रनिङ लाइट तथा ठूलो साइजको टेललाइट पाउन सकिन्छ ।
यसलाई १०० किलोवाट डीसी फास्ट चार्जरले ५४ मिनेटमा ८० प्रतिशत ब्याट्री चार्ज गर्नेछ ।
.gif)
