काडमाडौँ / आर्थिक बर्ष २०८०/८१ को असार मसान्तसम्ममा निर्जिवन बीमा कम्पनीहरुले ४१ अर्ब १६ करोड भन्दा बढी कुल बीमा शुल्क आर्जन गरेका छन् । 

नेपाल बीमा प्राधिकरणले सार्वजनिक थगरेको तथ्याङ्क अनुसार आर्थिक बर्ष ०८०/८१ को साउनदेखि असार मसान्तसम्ममा हाल सञ्चालनमा रहेको १४ निर्जिवन बीमा कम्पनीहरुले ४१ अर्ब १६ करोड ७३ लाख रुपैयाँ कुल बीमाशुल्क आर्जन गर्न सफल भएका हुन् ।

शिखर इन्स्योरेन्सले कमायो सबैभन्दा धेरै 

यस अवधिसम्ममा शिखर इन्स्योरेन्सले नै अग्रता हासिल गर्न सफल भएको छ । एक बर्षको अवधीमा यस कम्पनीले ५ अर्ब ४७ करोड रुपैयाँ कुल बीमाशुल्क आर्जन गर्न सफल भएको छ।

दोस्रोमा सगरमाथा रहेको छ। कम्पनीले यस अवधिसम्मा ४ अर्ब ७८ करोड रुपैयाँ कुल बीमाशुल्क आर्जन गर्न सफल भएको छ।

तेस्रोमा सिद्धार्थ इन्स्योरेन्स रहेको छ। कम्पनीले यस अवधिसम्मा ४ अर्ब १७ करोड रुपैयाँ कुल बीमाशुल्क आर्जन गर्न सफल भएको छ ।

अन्य कुन कम्पनीको कति ? 

गत आर्थिक वर्षमा हिमालयन एभरेष्ट इन्स्योरेन्स ३ अर्ब ७२ करोड २९ लाख रुपैयाँ, आईजीआई प्रुडेन्सियल इन्स्योरेन्सले ३ अर्ब ६५ करोड ६ लाख रुपैयाँ र नेको इन्स्योरेन्सले ३ अर्ब १४ करोड ११ लाख रुपैयाँ कुल बीमाशुल्क आर्जन गरेका छन्।

यो एक वर्षको अवधिमा युनाइटेड अजोडले २ खर्ब ७२ करोड ७३ लाख रुपैयाँ, सानिमा जीआईसी इन्स्योरेन्सले २ अर्ब ६१ करोड ८५ लाख रुपैयाँ, एनएलजी इन्स्योरेन्सले २ अर्ब ५५ करोड २८ लाख रुपैयाँ र ओरिएन्टल इन्स्योरेन्सले २ अर्ब १६ करोड १५ लाख रुपैयाँ कुल बीमाशुल्क आर्जन गरेका छन्।

त्यस्तै आव ०८०/८१ मा प्रभु इन्स्योरेन्सले १ अर्ब ७७ करोड ७९ लाख रुपैयाँ, नेपाल इन्स्योरेन्सले १ अर्ब ५९ करोड ४ लाख रुपैयाँ, राष्ट्रिय बीमा कम्पनीले १ अर्ब ५८ करोड ९९ लाख रुपैयाँ र नेसनल इन्स्योरेन्सले १ अर्ब १९ करोड ८७ लाख रुपैयाँ कुल बीमाशुल्क आर्जन गरेका छन्।