काठमाडौँ / सिद्धार्थ बैंकले संस्थापक सेयरधनीहरुको नाममा रहेको ७२ हजार ९२७ कित्ता संस्थापक सेयर बिक्री खुला गरेको छ । यस संस्थापक शेयरमा जो कोही व्यक्ति वा संस्थाले आवेदन दिन सक्नेछन् ।
यसअघि बैंकका विद्यमान संस्थापकहरुलाई सेयर बिक्री खुला गर्दा आवेदन नपरेको हुनाले बैंकले यसपटक अन्य लगानीकर्ताले पनि आवेदन दिन मिल्ने व्यवस्था गरिदिएको हो । यसको मूल्य भने तोकिएको छैन ।
सेयर खरिद गर्न इच्छुक लगानीकर्ताले आज सोमबार (साउन ७ गते) गतेदेखि ७ दिन भित्र यस बैंकको केन्द्रीय कार्यालय नक्साल, काठमाडौंमा आफूले खरिद गर्न चाहेको सेयर संख्या खुलाई निवेदन पेश गर्नु पर्नेछ ।
