काठमाडौँ / भन्सार विभागको तथ्याङ्क अनुसार आर्थिक बर्ष २०८०÷८१ मा नेपालको वैदेशिक व्यापार निरन्तर खस्कँदो अवस्थामा छ ।
२०८० साउनदेखि २०८१ असार मसान्तसम्मको अवधिमा आयात १.१६ प्रतिशत र निर्यात ३.०३ प्रतिशतले खुम्चिएको छ ।
यता, आर्थिक वर्ष २०७८/७९ मा कीर्तिमानी १९ खर्ब २० अर्बको वस्तु भित्रिएको थियो । त्यसयता निरन्तर आयात खुम्चँदो छ । सो आर्थिक वर्षमा नेपालको आयात २४.७२ प्रतिशतले बढेको थियो । यस्तै निर्यात ४१.७४ प्रतिशतले बढेर २ खर्बमाथि पुगेको थियो ।
त्यसयता आर्थिक वर्ष २०७९/८० मा आयात १६.०८ प्रतिशतले खुम्चियो । उक्त आर्थिक वर्षमा नेपालको आयात १९ खर्ब २० अर्बबाट खुम्चिएर १६ खर्ब ११ अर्ब रुपैयाँमा आइपुगेको थियो ।
निर्यात व्यापारमा सबैभन्दा धेरै निर्भर नेपाल भारतसँग रहेको विभागको तथ्याङ्क छ ।
तर, दोस्रो स्थानमा भने अमेरिका रहेको छ । नेपालबाट तयारी पोशाकदेखि छुर्पीसम्म अमेरिका निर्यात हुन्छ ।
अर्को छिमेकी मुलुक चीन भने यो सूचीको पाँचौं स्थानमा छ । प्रथम १० निर्यात हुने मुलुकमध्ये युरोपेली र अमेरिकी मुलुक अगाडि देखिन्छ ।
यी हुन् सबैभन्दा धेरै निर्यात भएका १० मुलुक
.gif)
