काठमाडौँ / मातृभूमि लघुवित्त वित्तीय संस्थाको ६२ लाख ८३ हजार ५७५ कित्ता सेयर नेपाल स्टक एक्सचेन्ज (नेप्से) मा सूचीकृत भएको छ । 

साविकको जाल्पा र किसान लघुवित्त एक आपसमा मर्ज भएपछि मातृभूमि लघुवित्तको नाममा सेयर सूचीकरण भएको हो । जाल्पा र किसान १ः०.८८३४ सेयर स्वाप अनुपातमा मर्ज भएका हुन् । सोही स्वाप रेसियोको आधारमा कायम भएको सेयर नेप्सेमा सूचीकृत भएको हो ।

सुचीकृत कम्पनीको शेयर कारोबार मंगलबार खुल्ने भएको छ। यी दुवै लघुवित्त गाभिएपछि कुल ६२ लाख ८३ हजार ५७३.३७ कित्ता शेयर मातृभूमि लघुवित्तको नाममा सूचीकृत भएको छ। मर्जर प्रयोजनका लागि रोक्का रहेको संस्था शेयर नेप्सेले फुकुवा गरेको छ।

अब मंगलबारबाट मातृभूमि लघुवित्तको नाममा शेयर कारोबार खुल्नेछ। नेप्सेले यो लघुवित्तलाई ‘एमएटीआरआई’ कारोबार संकेत प्रदान गरेको छ।

मर्जरपछिको पहिलो कारोबारका लागि नेप्सेले मातृभूमि लघुवित्तलाई प्रतिकित्ता १२७८.३९ रुपैयाँ ओपनिङ रेन्ज तोकेको छ।