काठमाडौँ / समता घरेलु लघुवित्तले आज (भदौ ६ गते) बिहिबारदेखि २० हजार कित्ता संस्थापक सेयर बिक्री खुला गरेको छ ।
यसमा जो कोही व्यक्ति, कम्पनी तथा विभिन्न संघ संस्थाहरुले आवेदन दिन सक्नेछन् ।
यसअघि विद्यमान संस्थापक सेयरधनीहरुले सेयर खरिद नगरेपछि सो सेयर सर्वसाधारण लगानीकर्ताले समेत किन्न सक्ने गरी बिक्री खुला गरिएको हो ।
सेयर खरिद गर्न इच्छुक लगानीकर्ताले बिहीबारबाट ७ दिनभित्र कम्पनीको केन्द्रीय कार्यालय बनेपा–७, काभ्रेपलाञ्चोकमा के कति सेयर खरिद गर्ने सो को व्यहोरा खुलाई आवेदन फारम बुझाउन सक्नेछन् ।
