काठमाडौँ / चालु आर्थिक वर्ष २०८१/८२ को पहिलो महिना अर्थात साउनमा लघु जीवन बीमा कम्पनीले करिब पौने ४ करोड रुपैयाँको व्यापार गरेका छन्।
नेपाल बीमा प्राधिकरणले सार्वजनिक गरेको तथ्याङ्कअनुसार चालु आर्थिक बर्षको साउनमा हाल सञ्चालनमा रहेका ३ वटा लघु जीवन बीमम कम्पनीले ३ करोड ७० लाख ५४ हजार रुपैयाँ कुल बीमाशुल्क आर्जन गरेका हुन्। उक्त समयमा यी कम्पनीहरूले २ लाख ४१ हजार ९९७ वटा बीमालेख जारी गरेका छन् ।
समीक्षा महिनामा सर्वाधिक व्यापार गर्नेमा गार्डियन माइक्रो लाइफ रहेको छ। यो कम्पनीले २ लाख २७ हजार ४६१ वटा बीमा लेख जारी गर्दै १ करोड ८८ लाख ४१ हजार रुपैयाँ कुल बीमाशुल्क आर्जन गरेको छ।
यसैगरी क्रेष्ट माइक्रो लाइफले ६ हजार ८९३ वटा बीमालेख जारी गर्दै १ करोड २९ लाख ८४ हजार रुपैयाँ कुल बीमाशुल्क आर्जन गरेको छ।
लिबर्टी माइक्रो लाइफले भने ७ हजार ६४३ वटा बीमालेख बिक्री गर्दै ५१ लाख ७७ हजार रुपैयाँ कुल बीमाशुल्क आर्जन गरेको छ।
.gif)
