काठमाडौँ / युनिलिभर नेपाल लिमिटेडले आर्थिक वर्ष २०८०/८१ नाफाबाट सेयरधनीलाई नगद लाभांश दिने घोषणा गरेको छ।
कम्पनीको बुधबार बसेको सञ्चालक समितिको बैठकले प्रतिकित्ता १७ सय १४ रूपैयाँ नगद लाभांश दिने घोषणा गरेको हो।
कम्पनीले घोषणा गरेको यो लाभांश हालसम्मकै धेरै हो। यस्तै, लाभांश प्रयोजनको लागि कम्पनीले असोज २८ गतेदेखि कात्तिक १२ गतेसम्म बुक क्लोज गर्ने भएको छ।
बुक क्लोजको आधारमा असोज २७ गतेसम्म कायम रहने सेयरधनीले मात्र साधारण सभामा सहभागी हुन र लाभांश पाउन सक्नेछन्।
गत वर्ष भने कम्पनीले प्रतिकित्ता १५ सय ८० रूपैयाँ नगद लाभांश वितरण गरेको थियो।
.gif)
