काठमाडौँ / नेपाल मर्चेन्ट बैंकर एसोसिएसनको १५ औं वार्षिक साधारण सभा सम्पन्न भएको छ । एसोसिएसनको बार्षिक साधारण सभा सोमबार दिउँसो काठमाडौँको नक्सालमा सम्पन्न भएको हो ।
उक्त सभाले छैंठौं कार्यसमिति गठन पनि गरेको छ । सभाले कार्यसमितिको अध्यक्षमा एनआईसी एशिया क्यापिटल लिमिटेडका रामेन्द्र रायमाझीलाई चयन गरेको छ ।
यस्तै, उपाध्यक्षमा नबिल इन्भेष्टमेन्ट बैंक लिमिटेडका मनिस नारायण जोशी, महासचिवमा गरिमा क्यापिटल लिमिटेडका निर्मल भट्टराई, कोषाध्यक्षमा एनआइएमबी एस क्यापिटल लिमिटेड शिवान्त ब. पाडें चयन भएका छन् ।
यस्तै, सदस्यहरूमा सिद्धार्थ क्यापिटल लिमिटेडका सन्दीप कार्की, नेपाल एसबीआई मर्चेन्ट बैंकिङ लिमिटेडका लेखनाथ पोखरेल, कुमारी क्यापिटल लिमिटेडका पुष्पा शर्मा चयन भएका छन् ।
त्यसैगरी, विभिन्न मर्चेन्ट बैंकिङका प्रतिनिधिहरू सामेल समेत रहेका उक्त नयाँ कार्यसमिति सदस्यहरु नेपालमा मर्चेन्ट बैंकिङको भूमिकालाई प्रवर्धन गर्न प्रतिबद्ध रहेको बताएका छन् ।
उक्त समितिको मुख्य ध्यान पूँजी बजारको पहुँचमा सुधार, दिगो वित्तीय अभ्यासलाई प्रोत्साहन तथा नियामक निकायहरूसँग सम्बन्ध मजबुत पार्नेमा केन्द्रित रहने एसोसिएसनले जनाएको छ ।
उक्त सभाको निर्वाचन प्रक्रिया सकारात्मक र सहकार्यपूर्ण वातावरणमा सम्पन्न भएको थियो जसले संघको एकता र भविष्यप्रतिको साझा दृष्टिकोणलाई झल्काएको छ । नव निर्वाचित समितिले वित्तीय क्षेत्रका सरोकारवालाहरू र नियामक निकायहरूसँग नेपाल मर्चेन्ट बैंकर एसोसिएसनको सहकार्यलाई अझ बलियो बनाउन लक्ष्य राखेको छ ।
