काठमाडौँ / प्रभु समूह अन्तर्गतका तीन ओटा वित्तीय संस्थाहरूले बाढी पहिरो पीडित परिवारका लागि १ करोड ७५ लाख सहयोग गरेको छ । प्रभु समूहअन्तर्गतका प्रभु बैंक लिमिटेड, प्रभु महालक्ष्मी लाइफ इन्स्योसुरेन्स लिमिटेड, प्रभु क्यापिटल लिमिटेड र प्रभु इन्स्योसुरेन्स लिमिटेडले उक्त सहयोग गरेको हो ।
असोज दोस्रो हप्तामा देशका विभिन्न भूभागमा परेको अविरल वर्षाका कारण बाढीपहिरो तथा डुबानबाट उत्पन्न विनाशकारी विपदले राष्ट्रलाई ठूलो जनधनको क्षति पुर्याएको भन्दै उक्त सहयोग गरेको बैंकले जनाएको छ ।
बाढी पहिरो पीडित परिवारका लागि सहायता स्वरूप एवम् नेपाल सरकारलाई पीडीतहरूको खोजतलास, उद्धार र राहत कार्यमा सहयोग पुगोस् भन्ने उद्देश्यले प्रभु समूह अन्तर्गतका उक्त चार संस्थाहरूले संस्थागत सामाजिक उत्तरदायित्व सो सहयोग गरेको हो ।
एक कार्यक्रमकाबिच प्रभु समूहका अध्यक्ष देवी प्रकाश भट्टचनले प्रधानमन्त्री दैवी प्रकोप उद्धार कोषमा जम्मा हुने गरी सो रकम बराबरको चेक केपी शर्मा ओलीलाई हस्तान्तरण गरेका हुन् ।
प्रभु समूहअन्र्तगतका उल्लेखित संस्थाहरूबाट प्रदान गरिएको उक्त सहयोगले बाढीपहिरो तथा डुबानबाट पिडितहरूको स्वास्थ्य उपचार तथा उद्धार कार्यमा सहायता पुग्ने अपेक्षा यस समूहले गरेको छ ।
.gif)
