काठमाडौँ / काठमाडौँमा आज (सोमबार) गोलभेडा, बन्दा, मूला, सिमी, सागलगायतका केही तरकारी र फलफूलको भाउ बढेको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार आज लोकल सानो गोलभेडाको भाउ प्रतिकेजी २० रुपैयाँले बढयेर ८५ रुपैयाँ पुगेको हो ।

त्यस्तै, टनेल गोलभेडाको भाउ ११० रुपैयाँ ५० पैसा पुगेको छ भने भारतीय सानो गोलभेडाको भाउ ७२ रुपैयाँ ५० पैसा, तराई सानो गोलभेडा १०५ रुपैयाँ ७५ पैसा, लोकल बन्दा ९५ रुपैयाँ र तराई बन्दाको भाउ ८५ रुपैयाँ पुगेको छ ।

यसैगरी आज सेतो आलुको भाउ बढेर ५९ रुपैयाँ पुगेको छ भने रातो बन्दा प्रतिकेजी ५५ रुपैयाँ, सेतो लोकल मूला ४५ रुपैयाँ, मटरकोशा १४५ रुपैयाँ, टाटे सिमिी १२५ रुपैयाँ, हरियो फर्सी ५५ रुपैयाँ, पिंडालू ७५  रुपैयाँ, चमसूर, मेथी र सौफको साग ११० रुपैयाँ, लप्सी ५५ रुपैयाँ, ब्रोकाउली र बकूला १४५ रुपैयाँ तोकिएको छ । 

विस्तृत तालिकामा हेर्नुस्