काठमाडौँ / कृषि विकास बैंक लिमिटेडले चालु आर्थिक बर्षको तीन महिनामा १९ करोड ९ लाख २३ हजार रुपैयाँ नाफा कमाएको छ । गत बर्ष सोही अवधिमा ८८ करोड ८० लाख रुपैयाँले घाटामा रहेको यो बैंकले यस बर्ष भने नाफा गरेको हो । इम्पेरिमेन्ट चार्ज (रिभर्स) ५८.२३ प्रतिशतले घटेर ९० करोड २२ लाख ६० हजार रुपैयाँ कायम भएसँगै नाफा बढ्न बैंकको सहयोग पुगेको हो ।

त्यस्तै, समीक्षा अवधिमा बैंकको वितरणयोग्य मुनाफा २ अर्ब ७९ करोड ३१ लाख ११ हजार रुपैयाँ रहेको छ । गत बर्ष पहिलो त्रैमासमा ४३ करोड ४७ लाख रुपैयाँ रहेको यस्तो मुनाफा यस बर्ष ५४२.५३ प्रतिशतले बढेको हो । 

बैंकको खुद ब्याज आम्दानी भने २५.१८ प्रतिशतले घटेको छ । गत बर्ष पहिलो त्रैमासमा २ अर्ब ६ करोड ३८ लाख रुपैयाँ खुद ब्याज आम्दानी गरेको यो बैंकले यस बर्ष सोही अवधिमा उक्त रकम १ अर्ब ५४ करोड ४० लाख रुपैयाँमा सीमित गरेको छ । 

बैंकको कुल सञ्चालन आम्दानीसमेत १.०९ प्रतिशतले घटेर २ अर्ब ४७ करोड ९५ लाख रुपैयाँमा सीमित भएको छ । गत बर्ष पहिलो त्रैमासमा यस्तो आम्दानी २ अर्ब ५० करोड ६७ लाख ८३ हजार रुपैयाँ थियो । 

बैंकको खुद सञ्चालन आम्दानी ३५४.९३ प्रतिशतले बृद्धि भएको छ । गत बर्ष पहिलो त्रैमासमा ३४ अर्ब ६७ लाख रुपैयाँ रहेको खुद सञ्चालन आम्दानी यस बर्ष भने बढाएर १ अर्ब ५७ करोड ७२ लाख रुपैयाँ पुर्याएको छ । 

बैंकको कस्ट अफ फण्ड ५.१४ प्रतिशत र बेस रेट ७.०७ प्रतिशत रहेको छ । समीक्षा अवधिमा बैंकको प्रतिसेयर आम्दानी ३ रुपैयाँ २५ पैसा र प्रतिसेयर खुद मूल्य २३७ रुपैयाँ ८३ पैसा छ भने तरलता अनुपात ३५.४७ छ । 

बैंकको खराब कर्जा भने सामान्य घटेको छ । गत बर्ष पहिलो त्रैमासमा ५.३३ प्रतिशत रहेको खराब कर्जा समीक्षा अवधिमा घटेर ४.७८ प्रतिशत कायम भएको हो । 

चुक्ता पुँजी १८ अर्ब ८८ करोड ४३ लाख ८६ हजार रुपैयाँ रहेको कृषि विकास बैंकको जगेडामा १५ अर्ब ८२ करोड ८९ लाख रुपैयाँ छ । त्यस्तै, रेन्टेड अर्निङ गत बर्षको पहिलो त्रैमासको तुलनामा ४.९० प्रतिशतले बढेर २ अर्ब ७९ करोड ३१ लाख रुपैयाँ पुगेको छ भने बैंकको निक्षेप सङ्कलन ६.७८ प्रतिशतले बृद्धि हुँदा कर्जा प्रवाह सामान्य घटेको छ । 

असोज मसान्तसम्म बैंकले २ खर्ब ६० अर्ब १० करोड १९ लाख रुपैयाँ निक्षेप सङ्कलन गरी २ अर्ब १ अर्ब ८२ करोड ३ लाख रुपैयाँ कर्जा प्रवाह गरेको छ ।