काठमाडौँ / कालीमाटी फलफूल तथा तरकारी बजार विकास समितिले आज मङ्गलबारको मूल्यसूची प्रकाशित गरेको छ । जसअनुसार टनेल गोलभेडाको भाउ घटेर प्रतिकेजी ९५ रुपैयाँ कायम भएको छ भने रातो आलुको भाउ प्रतिकेजी ६७ रुपैयाँ ६७ पैसा तोकिएको छ । 

त्यस्तै, सुकेको प्याजको भाउ प्रतिकेजी ९९ रुपैयाँ ५० पैसा, लोकल गाजर १६५ रुपैयाँ, तराई गाजर १४५ रुपैयाँ, लोकल बन्दा ८८ रुपैयाँ ७५ पैसा र तराई बन्दाको भाउ प्रतिकेजी ७५ रुपैयाँ निर्धारण गरिएको छ । 

स्थानीय काउली (ज्यापु)को भाउ घटेर आज प्रतिकेजी ११० रुपैयाँ कायम हुँदा चिचिण्डो र पाकेको फर्सीको भाउ ५५ रुपैयाँ पुगेको छ । चमसूर र मेथीको सागको भाउ बढेर आज १३३ रुपैयाँ ३३ पैसा पुगेको छ भने चुकुन्दर ११५ रुपैयाँ, जिरीको साग ९५ रुपैयाँ, गुन्द्रुक २९० रुपैयाँ, हरियो लसुन २७६ रुपैयाँ ६७ पैसा, लाम्चो भन्टा ७५ रुपैयाँ र डल्लो भन्टा ८५ रुपैयाँ निर्धारण गरिएको छ । 

विस्तृत मूल्यसूचीमा हेर्नुस्